អ្នកជាប់ឃុំ៥នាក់រត់ចេញពីពន្ធនាការនៅស្ទឹងត្រែង

អ្នកជាប់ឃុំរត់ចេញពីពន្ធនាគារ(រូបពីនគរបាលជាតិ)

អ្នកជាប់ឃុំ៥នាក់រត់ចេញពីពន្ធនាគារក្នុងខេត្តស្ទឹងត្រែង នៅរសៀលថ្ងៃសៅរ៍នេះ នៅពេលដែលអ្នកគ្រប់គ្រងនៅទីនោះឲ្យសម្អាតបរិវេណពន្ធនាគារ។​

ស្នងការ​នគរបាល​​ខេត្តស្ទឹងត្រែង លោក​​ ម៉ៅ​ ច័ន្ទ​តារា​ ​ថ្លែង​ថា អ្នកជាប់ឃុំដែលរត់ចេញពីពន្ធនាគារទាំងនោះ ត្រូវ​មន្ត្រី​ជំនាញ​ប្រើ​អោយ​សម្អាត​ជុំវិញ​បរិវេណ​ពន្ធនាគារ​ ហើយដោយមើលឃើញ ឱកាសល្អពួកគេក៏នាំគ្នារត់។​ នេះបើតាមអគ្គស្នងការដ្ឋាននគរបាលជាតិ។​

តាមប្រភពដដែល គឺអ្នកជាប់ឃុំ ទាំង៥នាក់ ដែលរត់គេចនោះ ត្រូវបានសមត្ថចាប់ខ្លួនបានទាំងអស់ហើយនាំទៅពន្ធនាគារវិញ។​

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។