ក្រសួងធនធានទឹកនិងឧត្តុនិយម អំពាវនាវឲ្យពលរដ្ឋ បង្កើនការប្រុងប្រយ័ត្ន ពីអាកាសធាតុដោយថា ចាប់ពីថ្ងៃនេះរហូតដល់ចុងសប្តាហ៍ ព្រោះកម្ពុជានឹងមានភ្លៀងធ្លាក់រាយប៉ាយស្ទើរទូទាំងប្រទេស។
សេចក្តីជូនដំណឹងចុះថ្ងៃទី២៩ ខែមិថុនា ក្រសួងលើកឡើងថា ចាប់ពីថ្ងៃទី០៣ ដល់ថ្ងៃទី០៨ ខែកក្តដា ភ្លៀងនឹងធ្លាក់រាយប៉ាយស្ទើរពេញមួយសប្តាហ៍ ពិសេសនៅតំបន់ទំនាបកណ្តាលភាគពាយ័ព្យនិងតំបន់មាត់សមុទ្រ។
ក្រសួងឲ្យដឹងទៀតថា បញ្ហានេះមកពី ទទួលរងខ្យល់មូសុងនិរតីនិងជ្រលងសម្ពាធទាប មានឥទ្ធិពលខ្សោយមកលើកម្ពុជា។
ក្រសួងប្រាប់ឲ្យប្រជាពលរដ្ឋ អ្នកនេសាទ និងអ្នកធ្វើដំណើរតាមសមុទ្រ ត្រូវបង្កើនការប្រុងប្រយ័ត្ន៕