គម្រោងអភិវឌ្ឍន៍លំនៅឋានសម្រាប់ប្រជាពលរដ្ឋមានប្រាក់ចំណូលមធ្យមទី២ ត្រូវគ្រោងដំណើរការសាងសង់នៅដើមខែឧសភាខាងមុខនេះ តែប៉ុន្មានខែក្រោយពីគម្រោងទី ១ បានចាប់ដំណើរការសាងសង់កាលពីដើមខែមករាកន្លងមក។
ក្នុងសេចក្ដីប្រកាសព័ត៌មានកាលពីថ្ងៃទី២ ខែមីនានេះ ក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា គម្រោងអភិវឌ្ឍន៍លំនៅឋានតម្លៃសមរម្យទី ២ នេះ គ្រោងនឹងបើកការដ្ឋានសាងសង់នៅថ្ងៃទី១ ខែឧសភាខាងមុខនេះ។
សេចក្ដីប្រកាសព័ត៌មានដដែលនេះ បានឲ្យដឹងថា គម្រោងទីពីរនេះ គ្រោងអភិវឌ្ឍនៅតាមបណ្ដោយផ្លូវជាតិលេខ ៥ ស្ថិតក្នុងស្លែងដីដុះ ឃុំព្រែកតាទែន ស្រុកពញាឮរបស់ខេត្តកណ្ដាល។
បើតាមសេចក្ដីប្រកាសព័ត៌មាននេះ ក្រុមហ៊ុនឯកជនដែលទទួលបានសិទ្ធិអភិវឌ្ឍន៍គម្រោងនេះ គ្រោងសាងសង់ជាង ៥ពាន់ខ្នង សម្រាប់លក់ក្នុងតម្លៃសមរម្យដល់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋដែលមានចំណូលមធ្យម និងទាប។
គម្រោងអភិវឌ្ឍន៍លំនៅឋានតម្លៃសមរម្យទី១ ត្រូវបានបើកដំណើរការកាលពីថ្ងៃទី០៧ ខែមករាកន្លងមកនេះ នៅតាមបណ្ដោយផ្លូវលេខ ២១ ចន្លោះពីក្រុងតាខ្មៅ ទៅស្រុកស្អាង ខេត្តកណ្ដាល៕
