ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ ដឹកនាំគណៈប្រតិភូជាន់ខ្ពស់នៃក្រសួង ដើម្បីចួលរួមការប្រជុំប្រចាំឆ្នាំលើកទី២៨ របស់វេទិកា CRANS MONTANA នៅទីក្រុងបាសេឡូណា ប្រទេសអេស្ប៉ាញ។
តាមសេចក្តីប្រកាសព័ត៌មានពីខុទ្ទកាល័យលោក ស ខេង ចេញផ្សាយកាលពីម្សិលមិញបានឲ្យដឹងថា កិច្ចប្រជុំនោះចាប់ផ្តើមពីថ្ងៃទី៥ដល់ថ្ងៃទី៨ ខែកក្កដា ឆ្នាំ២០១៧។
វេទិកា CRANS MONTATA គឺជាវេទិកាជួបជុំ ដែលមានការចូលរួមពីសំណាក់ប្រមុខរដ្ឋ ប្រមុខរដ្ឋាភិបាល រដ្ឋមន្ត្រី សមាជិកសភា ធុរកិច្ចជន និងអង្គការអន្តរជាតិជាច្រើនមកពីជុំវិញពិភពលោក។ ការប្រជុំនេះ ដើម្បីពង្រឹងកិច្ចសហប្រតិបត្តិការជាសកលលើវិស័យសេដ្ឋកិច្ចជាមួយនិងប្រទេសដែលមានសក្តានុពលទីផ្សារនិងប្រទេសជាច្រើនទៀត ក្នុងតបន់អាស៊ីកណ្តាល មជ្ឈឹមបូព៌ា អាហ្វ្រិក និងមេឌីទែរ៉ាណេ៕
ហូរ តុងហាន់