ក្រសួងថាខេត្តចំនួន៣ប៉ះពាល់ខ្លាំងដោយជំនន់ទឹកភ្លៀង

ទឹកជំនន់នៅសៀមរាប (FB: Chiep Leap)

មន្ត្រីជាន់ខ្ពស់ នៃក្រសួងធនធាន ទឹកនិងឧតុនិយម ឲ្យដឹងថា ជំនន់ទឹកភ្លៀង ក្នុងរយៈពេលបីថ្ងៃនេះ ធ្វើឲ្យខេត្តចំនួន៣ រួមានខេត្តសៀមរាប បាត់ដំបង និងបន្ទាយមានជ័យ ទទួលរងការលិចលង់ខ្លាំង និងខូចខាតលំនៅឋាន និងហេដ្ឋារចនាសម្ព័ន្ធ ខណៈភ្លៀងកំពុងបន្តធ្លាក់នៅតាមខេត្តផ្សេងៗទៀត។

មន្ត្រីជាន់ខ្ពស់ នៃក្រសួងធនធាន ទឹកនិងឧតុនិយម ឲ្យដឹងថា ជំនន់ទឹកភ្លៀង ក្នុងរយៈពេលបីថ្ងៃនេះ ធ្វើឲ្យខេត្តចំនួន៣ រួមានខេត្តសៀមរាប បាត់ដំបង និងបន្ទាយមានជ័យ ទទួលរងការលិចលង់ខ្លាំង និងខូចខាតលំនៅឋាន និងហេដ្ឋារចនាសម្ព័ន្ធ ខណៈភ្លៀងកំពុងបន្តធ្លាក់នៅតាមខេត្តផ្សេងៗទៀត។

អ្នកនាំពាក្យក្រសួងធនធានទឹក និងឧតុនិយម លោក ចាន់ យុត្ថា ប្រាប់វីអូឌីថា ជំនន់ទឹកភ្លៀងរយៈពេលបី៣ថ្ងៃចុងក្រោយនេះ ធ្វើឲ្យលិចផ្ទះប្រជាពលរដ្ឋ និងខូចផ្នូវថ្នល់មួយចំនួន ប៉ុន្តែ មិនបណ្តាលឲ្យមានគ្រោះដល់អាយុជីវិតប្រជាពលរដ្ឋ និងសត្វពាហនៈ​នោះទេ​។

កាលពីថ្ងៃទី១ ខែតុលា ឆ្នាំ២០១៧ ក្រសួងធនធានទឹកនិងឧតុនិយម​ បានប្រកាស ឲ្យអាជ្ញាធរ និងប្រជាពលរដ្ឋ បង្កើនការយកចិត្តទុកដាក់និងប្រុងប្រយ័ត្នខ្ពស់នូវស្ថានភាពជំនន់ទឹកភ្លៀងដែលអាចកើតឡើងនៅតំបន់ទំនាប និងតំបន់ជាប់ផ្លូវទឹកនានា ចាប់ពីថ្ងៃទី២ ខែតុលា ដល់ថ្ងៃទី១០ ខែតុលា៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។