នគរបាលឃាត់ខ្លួនអ្នកពាក់អាវមានអក្សរPolice និង​Armyជាង១០០នាក់

សមត្ថកិច្ចនគរបាលរាជធានីភ្នំពេញបានឃាត់ខ្លួនអ្នកដើរលេងក្នុងព្រះរាជពិធីបុណ្យអុំទូកជាង១០០នាក់យកទៅសួរនាំ កាលពីល្ងាចមិញដោយសារតែពួកគេបានពាក់អាវមានសរសេរអក្សរPolice(នគរបាល) និង​Army(កងទ័ព)។​​

តាមការចុះផ្សាយរបស់អគ្គស្នងការដ្ឋាននគរបាលជាតិ នាព្រឹកថ្ងៃសៅរ៍នេះបានឲ្យដឹងថា សមត្ថកិច្ចយាមតាមគោលដៅបានឃាត់ខ្លួនអ្នកពាក់អាវPolice និង Army សរុបទាំងអស់ជាង១០០នាក់ ដោយកន្លែងគោលដៅខ្លះមាន៥០នាក់ ឬ ២០នាក់។ គេហទំព័រដដែលបន្តថា បន្ទាប់ពីការសាកសួរគឺ​ដោះលែងឲ្យពួកគេមានសេរីភាពវិញដោយដឹងថា នោះជាអាវរងារពលរដ្ឋទិញពាក់ដើរកំសាន្តពេលយប់ដែលមានអាកាសធាតុត្រជាក់ ហើយមិនដឹងថាខុសច្បាប់ទេ។​

សមត្ថកិច្ចក៏បានណែនាំ​ឲ្យពួកគេឈប់ពាក់អាវទាំងនេះ ដោយសារខ្លាចច្រឡំថា  ជាកងកម្លាំង ហើយក៏បានដកហូតអាវទាំងនេះទុក។​

ស្នងការនគរបាលរាជធានីភ្នំពេញ លោក ជួន សុវណ្ណ បានអំពាវនាវឲ្យអាជីវករបញ្ឈប់ការលក់សម្លៀកបំពាក់​ទាំងនេះតទៅទៀត។

ម៉ាប់ ស៊ុយ [email protected]

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ