របាយការណ៍គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានបង្ហាញថាលទ្ធផលបណ្ដោះអាសន្ននៃការពិនិត្យបញ្ជីឈ្មោះ និងចុះឈ្មោះបោះឆ្នោតថ្មី មានចំនួនជាង ៨លាន៥សែននាក់។
របាយការណ៍របស់ គ.ជ.ប ចេញផ្សាយនៅថ្ងៃនេះ ឲ្យដឹងថា អ្នកមានឈ្មោះក្នុងបញ្ជីឈ្មោះបោះឆ្នោតថ្មីឆ្នាំ២០១៨ មាន ៨ ៥៤៤ ៨៨៥នាក់ ក្នុងនោះ ស្រីមានចំនួន ៤ ៥៥៦ ៦៤២នាក់ និងមានការិយាល័យបោះឆ្នោតចំនួន ២៣ ២៩៤។
បើតាមរបាយការណ៍របស់ គ.ជ.ប បញ្ជីឈ្មោះបោះឆ្នោតថ្មី មានការកើនឡើងប្រមាណ២សែននាក់ បើធៀបនឹងបញ្ជីឈ្មោះបោះឆ្នោត ឆ្នាំ២០១៧ ដែលមានចំនួន ៨ ៣៨០ ២១៧នាក់ និងមានការិយាល័យចំនួន ២៣ ៣២៥ ៕