សមត្ថកិច្ចបានអះអាងថា រោងចក្រផលិតទឹកផ្លែឈើ Yeo’s ស្ថិតនៅក្នុងខណ្ឌពោធិ៍សែនជ័យ ក្នុងរាជធានីភ្នំពេញ បានឆេះនៅពេលថ្ងៃនេះ ប៉ុន្តែនៅមិនទាន់ដឹងមូលហេតុនិងទំហំនៃការខូចខាតនៅឡើយទេ។
អធិការនគរបាលខណ្ឌពោធិ៍សែនជ័យ លោកយឹម សារ៉ាន់ ប្រាប់VODថា ភ្លើងបានឆេះរោងចក្រផលិតទឹកផ្លែឈើ Yeo’s ក្នុងខណ្ឌពោធិ៍សែនជ័យ។ ប៉ុន្តែលោកថា សមត្ថកិច្ចនៅមិនទាន់បានសរុបចំនួនអ្នករងរបួសនិង ទំហំនៃការខូចខាតនៅទ្បើយទេ។
ទោះយ៉ាងណា វីឌីអូ ដែលបង្ហាញតាមបណ្តាញសង្គមហ្វេសបុកគឺបង្ហាញពីផ្សែងខ្មៅទ្រង់ទ្រាយធំហុយទៅលើអាកាសនិងប្រភពខ្លះទៀតអះអាងថា អ្នកធ្វើការមួយចំនួនក្នុងរោងចក្រនោះគេរកឃើញថាបានសន្លប់៕ ដោយលោក ពៅ មេត្តា និង ហ៊ុន ឌីម៉ូ