មន្ត្រីនគរបាលកម្ពុជា បានឲ្យដឹងថា ចំនួនគ្រោះថ្នាក់ចរាចរណ៍នៅក្នុងខែកញ្ញាឆ្នាំ២០១៦នេះ បានថយចុះចំនួន ៧ភាគរយ បើ់ធៀបទៅនឹងខែកញ្ញាឆ្នាំ២០១៥កន្លងមក។
អគ្គស្នងការរងនគរបាលជាតិ លោក ហ៊ឹម យ៉ាន បានថ្លែងក្នុងពិធីបូកសរុបលទ្ធផលត្រួតពិនិត្យចរាចរណ៍ផ្លូវគោកនៅព្រឹកថ្ងៃនេះថា គ្រោះថ្នាក់ចរាចរណ៍ចំនួន ២៧៥ករណី បានកើតឡើង នៅទូទាំងប្រទេស ដោយបានសម្លាប់មនុស្ស ១៣៣នាក់ និងបង្កឲ្យមនុស្ស ៤៣៥នាក់រងរបួស។
ផ្អែកតាមតួលេខនគរបាលចរាចរណ៍កម្ពុជា ចំនួនគ្រោះថ្នាក់ចរាចរណ៍ក្នុងខែកញ្ញាឆ្នាំ២០១៦នេះ បានធ្លាក់ចុះ ១៩ករណី បើធៀបទៅនឹងខែកញ្ញាឆ្នាំ២០១៥កន្លងមក ខណៈចំនួនអ្នកស្លាប់ក៏បានចុះចំនួន ១៨នាក់ផងដែរ ហើយចំនួនអ្នករងរបួស បានថយចុះចំនួន ៩១នាក់។
បើតាមលោក ហ៊ឹម យ៉ាន អត្រាគ្រោះថ្នាក់ចរាចរណ៍ បានសម្លាប់មនុស្សជាមធ្យម ៣.៤៣នាក់ ក្នុងមួយថ្ងៃ ហើយអត្រារងរបួសមានចំនួនដល់ទៅ ១៤.៥នាក់៕