ក្រសួងបរិស្ថានបានប្រកាសធ្វើការអភិរក្សរុក្ខជាតិក្រវាញ ដើម្បីទប់ស្កាត់បទល្មើស និង អភិរក្ស រុក្ខជាតិនេះឲ្យបានគង់វង្សជានិរន្តទៅ។
នៅក្នុងសេចក្ដីប្រកាសស្ដីពី ការកំណត់ទីតាំងអភិរក្សប្រភពដើមធនធានសេនេទិករុក្ខជាតិក្រវាញ ចេញផ្សាយកាលពីថ្ងៃទី៥ ខែមិថុនា ឲ្យដឹងថា ទីតាំងដែលត្រូវធ្វើការអភិរក្សដើមក្រវាញ ស្ថិតនៅក្នុងតំបន់ឧទ្យានជាតិជួរភ្នំក្រវាញ ដែលមានផ្ទៃដី ៥០៦ ហិកតា ក្នុងទីតាំងរដ្ឋបាលឃុំអូរសោម ស្រុកវាលវែង ខេត្តពោធិ៍សាត់។
បើតាមសេចក្ដីរបស់ក្រសួងឲ្យដឹងថា មន្ទីរបរិស្ថានខេត្តពោធិ៍សាត់ មានភារកិច្ចគ្រប់គ្រង ការពារ អភិរក្ស ទីតាំងប្រភពដើមធនធានសេនេទិក រុក្ខជាតិក្រវាញ និងចាត់វិធានការតាមនីតិវិធីច្បាប់ ដើម្បីទប់ស្កាត់ បង្រ្កាបគ្រប់សកម្មភាពបទល្មើស ឬអនាធិបតេយ្យ ក្នុងទីតាំងតំបន់អភិរក្សធនធានសេនេទិករុក្ខជាតិក្រវាញឲ្យមានសិទ្ធភាព។
ប្រកាសស្តីពីការកំណត់ទីតាំងអភិរក្សប្រភពដើមធនធានសេនេទិករុក្ខជាតិក្រវាញ
