រដ្ឋាភិបាលបញ្ជាទៅមន្រ្តីក្រោមឱវាទឲ្យពង្រឹងសន្តិសុខតាមបណ្តោយព្រំដែន ខណៈការបោះឆ្នោតជិតមកដល់

រដ្ឋ​មន្ត្រី​មហាផ្ទៃ លោក ស ខេង ផ្ដល់កិច្ចសម្ភាសន៍ កាលពីពេលកន្លងទៅ។

ក្រសួងមហាផ្ទៃបញ្ជាទៅមន្រ្តីក្រោមឱវាទឲ្យពង្រឹងសន្តិសុខសណ្តាប់ធ្នាប់សាធារណៈ តាមបណ្តោយព្រំដែន ខណៈការបោះឆ្នោតជ្រើសរើសតំណាងរាស្រ្តអាណត្តិទី៦នឹងប្រព្រឹត្តទៅនៅថ្ងៃទី២៩ ខែកក្តដាខាងមុខនេះ។

ក្នុងសេចក្តីណែនាំចុះថ្ងៃទី៥ខែមិថុនា រដ្ឋមន្រ្តីក្រសួងមហាផ្ទៃ លោក ស ខេង បានបញ្ជាទៅអគ្គស្នងការនគរបាលជាតិ អគ្គនាយកដ្ឋានអន្តោប្រវេសន៍ គណៈបញ្ជាការឯកភាពរដ្ឋបាលខេត្តជាប់ព្រំដែន និងអាជ្ញាធរ ពាក់ព័ន្ធទាំងអស់ ត្រូវពង្រឹងសន្តិសុខសណ្តាប់ធ្នាប់ដោយបង្កើនវិធានការទប់ស្កាត់ និងបង្រ្កាបបទល្មើសធ្លងដែនគ្រប់ប្រភេទ ជាពិសេសអំពើភេរវកម្ម ការជួញដូរឬការដឹកជញ្ជូនអាវុធខុសច្បាប់ និងការដឹកជញ្ជូនឈើខុសច្បាប់ជាដើម។

ក្រសួងមហាផ្ទៃបញ្ជាក់ថា ការជំរុញឲ្យអាជ្ញាធរមានសមត្ថកិច្ចពង្រឹងសន្តិសុខសណ្តាប់ធ្នាប់សាធារណៈតាមបណ្តោយព្រំដែននោះ ក្រោយពីក្រសួងមើលឃើញថា មួយរយៈចុងក្រោយនេះ មានបទល្មើស ការចេញចូលឆ្លងដែនខុសច្បាប់ច្រើន ដែលអាចបង្កអសន្តិសុខតំបន់ព្រំដែនធ្វើឲ្យប៉ះពាល់ដល់មិត្តភាពជាមួយប្រទេសជិតខាង និងការអភិឌ្ឍសេដ្ឋកិច្ចកម្ពុជា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ