រដ្ឋាភិបាល និងវិស័យឯកជននៅថៃ ដឹកនាំការប្រជុំមួយនៅថ្ងៃចន្ទនេះ ដែលមានតំណាងក្រុមហ៊ុនពីហុងកុង និងសៀងហៃ ដើម្បីផ្សព្វផ្សាយ ពីការធ្វើពាណិជ្ជកម្ម និងវិនិយោគ ជាផ្នែកមួយនៃគោលនយោបាយសេដ្ឋកិច្ចចិនរបស់ចិន “One Belt, One Road” ។
តាមការចុះផ្សាយរបស់សារព័ត៌មានថៃ The Nation បានចុះផ្សាយថា វេទិកាសេដ្ឋកិច្ចនេះ ដឹកនាំដោយរដ្ឋមន្ត្រីក្រសួងពាណិជ្ជកម្ម និង ឧស្សាហកម្មរបស់ថៃ ហើយមានការចូលពីអ្នកគណៈប្រតិភូប្រមាណ៣០០នាក់ ពីអ្នកជំនួញ មន្ត្រីរដ្ឋាភិបាល ទាំងមកពីថៃ និង អ្នកជំនួញពីប្រទេសចិន។
កិច្ចប្រជុំនេះ គេបានលើកឡើងថា នឹងជំរុញឲ្យការធ្វើពាណិជ្ជកម្មរវាងថៃ និង ប្រទេសចិន កាន់តែមានការរីកចម្រើនមួយកម្រិតបន្ថែមទៀត។
“One Belt, One Road” គឺជា គោលនយោបាយរបស់ចិន ដែលផ្សាភ្ជាប់ជាមួយប្រទេសផ្សេងៗទៀតលើពិភពលោក លើផ្នែកហេដ្ឋារចនាសម្ព័ន្ធ និង សេដ្ឋកិច្ច។