លោកនាយករដ្ឋមន្ត្រីទិញសម្លៀកបំពាក់នៅផ្សារអូឡាំពិក

រួបភាពពីហ្វេសប៊ុកលោកនាយករដ្ឋមន្រ្តី ហ៊ុន​ សែន

លោក​នាយករដ្ឋមន្ត្រីហ៊ុន សែន​ នៅ​ថ្ងៃ​សៅរ៍​នេះ​ បាន​ធ្វើ​ដំណើរ​ទៅ​ជួប​ជា​មួយ​អាជីករ​នៅ​ផ្សារ​អូឡាំពិក​ក្នុង​រាជធានីភ្នំពេញ​ ដោយ​លោក​ថា​ ក្នុង​បំណង​សាក​សួរ​សុខ​ទុក្ខ​អាជីវករ​នៅ​ទីនោះ​។​

លោកនាយករដ្ឋមន្ត្រីហ៊ុន សែន នៅថ្ងៃសៅរ៍នេះ បានធ្វើដំណើរទៅជួបជាមួយអាជីករ និងទិញសម្លៀកបំពាក់មួយចំនួន​នៅផ្សារអូឡាំពិកក្នុងរាជធានីភ្នំពេញ ហើយឱកាសនោះ​លោក​ថា ធ្វើឡើង​ក្នុងបំណងសាកសួរសុខទុក្ខអាជីវករ។​

នៅក្នុងទំព័រហ្វេករបស់លោកនាយករដ្ឋមន្ត្រីហ៊ុន សែន បានបង្ហាញពីសកម្មភាពរូបលោក​ធ្វើដំណើរចូលក្នុងផ្សារអូឡាំពិក ជួបជួបអ្នកលក់ដូរ និង ប្រជាពលរដ្ឋដែលរស់នៅទីនោះ។ សម្មភាពបង្ហាញពីកន្លែងផ្លូវធ្វើដំណើរចង្អៀត នៅចន្លោះកន្លែងលក់ដូរ ហើយមានមនុស្សជាច្រើន​ប្រជ្រៀតគ្នា ដើម្បីចូលថតជាមួយលោក ហ៊ុន សែន​។​

លោកហ៊ុន សែន ក៏បានទិញសម្លៀកបំពាក់មួយចំនួន ហើយក៏បានជជែកជាមួយពលរដ្ឋនៅទីនោះ។ អាជីវករខ្លះសម្តែងការភ្ញាក់ផ្អើលថា ពួកគេថា មិនដែលបានជួបមុខផ្ទាល់ទេ តាំងពីដើមមក។

កន្លងទៅថ្មីៗនេះ លោកនាយករដ្ឋមន្ត្រីហ៊ុន សែន ក៏បានទៅជួបអាជីវករលក់ដូរនៅក្នុងផ្សារធំថ្មី របៀបដូចដែលលោកទៅជួបជាមួយអាជីវករនៅផ្សាអូឡាំពិកនេះដែរ។

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។