កុមារចំនួន១១នាក់ដែលក្នុងនោះភាគច្រើន ជាកុមារជនជាតិកូរ៉េខាងត្បូង បានស្លាប់ នៅពេលដែលរថយន្តដឹកសិស្សក្រឡាប់នៅក្នុងផ្លូវក្រោមដីមួយកន្លែងនៅភាគខាងកើតនៃប្រទេសចិនក្នុងខេត្ត Shandong។
ហេតុការណ៍នេះ ក៏បានបណ្តាលឲ្យគ្រូម្នាក់ដែលធ្វើដំណើរជាមួយសិស្សមានគ្រោះថ្នាក់ធ្ងន់ធ្ងរផងដែរ។ កុមារទាំងនោះមានអាយុចន្លោះពី ៣ ទៅ៧ឆ្នាំ ដែលរថយន្តដឹកទៅសាលមតេយ្យរបស់ពួកគេនៅក្នុងទីក្រុង Weihai។
ក្នុងរូបភាពដែលBBC ចុះផ្សាយគឺមានការអណ្តាតភ្លើង និង ផ្សែងពណ៌ខ្មៅ ចេញពីផ្លូវក្រោមដីនៅកន្លែងកើតហេតុ។ មន្ត្រីនិយាយថា ឧបទ្ទវហេតុដែលកើតឡើងនៅថ្ងៃអង្គារនេះ កំពុងស្ថិតនៅក្រោមការស៊ើបអង្កេត។
ក្នុងចំណោមកុមារទាំង១១នាក់នោះ គឺ១០នាក់ជាជនជាតិកូរ៉េខាងត្បូង ហើយក្នុងចំណោម១០នាក់នោះ មាន ៥នាក់មានទាំងសញ្ជាតិចិន និង កូរ៉េខាងត្បូង។