ការបោះឆ្នោតជ្រើសរើសប្រធានាធិបតីថ្មីរបស់កូរ៉េខាងត្បូងកាលពីម្សិលមិញ គឺបង្ហាញលទ្ធផលបណ្ណោះអាសន្នថា លោក Moon Jae-in អ្នកនយោបាយសេរីនិយម ទទួលបានជ័យជម្នះលើគួប្រជែង។
លោក Moon ត្រូវបានគេមើលឃើញថា សាកសម ក្នុងការទទួលតំណែងជាប្រធានាធិបតីក្នុងការដឹកនាំប្រទេស ដែលពលរដ្ឋជឿទុកចិត្តចាប់តាំងពីរដ្ឋាភិបាលរបស់លោកស្រី ប៉ាក ឃឿនហេ ជួបបញ្ហាអាស្រូវពុករលួយ ហើយត្រូវបានបណ្តេញចេញពីតំណែង។
លោក Moon Jae-in អាយុ៦៤ឆ្នាំ ជាមេធាវីផ្នែកសិទ្ធិមនុស្ស និង អ្នកសេដ្ឋកិច្ចរូបនេះ កំពុងផ្តោតលើការពង្រឹងលើភាពផុយស្រួយក្នុងវិស័យសេដ្ឋកិច្ច និង បញ្ហាប្រឈមក្នុងការទំនាក់ទំនងជាមួយកូរ៉េខាងជើង។ លោកថា លោកនឹងព្យាយាមក្នុងទំនាក់ទំនងជាមួយកូរ៉េខាងជើង ដោយផ្នែកគោលនយោបាយរបស់កូរ៉េខាងត្បូង។ នេះបើតាមការចុះផ្សាយរបស់ BBC។
លោក Moon Jae-in បេក្ខជនមកពីគណបក្សប្រជាធិបតេយ្យទទួលបាន ៤១,១% ខណៈគួប្រជែងធំបំផុតរបស់លោកគឺលោក Hong Joon-pyo ទទួលបាន២៥,៥%៕