សាលាដំបូងរាជធានីភ្នំពេញ នៅរសៀលថ្ងៃនេះ បានប្រកាសសាលក្រមសំណុំរឿងតំណាងរាស្ត្រគណបក្សសង្គ្រោះជាតិ លោម អ៊ុំ សំអាន ដែលត្រូវបានតុលាការចោទប្រកាន់ពីបទញុះញង់។
ចៅក្រមសាលាដំបូងរាជធានីភ្នំពេញ លោក ហេង សុខណា បានប្រកាសសាលក្រមថា លោក អ៊ុំ សំអាន ដែលសកម្មនឹងកិច្ចការព្រំដែន ត្រូវបានសម្រេចដាក់ទោសឲ្យជាប់ពន្ធនាគារ ២ឆ្នាំ និង៦ខែ ព្រមទាំងពិន័យប្រាក់ ៤លានរៀលផងដែរ។
ចៅក្រមសាលាដំបូងរាជធានីភ្នំពេញ លោក ហេង សុខណា បានប្រកាសសាលក្រមថា លោក អ៊ុំ សំអាន ដែលសកម្មនឹងកិច្ចការព្រំដែន ត្រូវបានសម្រេចដាក់ទោសឲ្យជាប់ពន្ធនាគារ ២ឆ្នាំ និង៦ខែ ព្រមទាំងពិន័យប្រាក់ ៤លានរៀលផងដែរ។
លោក អ៊ុំ សំអាន ត្រូវបានសមត្ថកិច្ចចាប់ខ្លួនកាលពីខែមេសា នៅខេត្តសៀមរាប ទាំងមានអភ័យឯកសិទ្ធសភា បន្ទាប់ពីលោកថ្លែងថា រដ្ឋាភិបាលបានប្រើប្រាស់ផែនទីក្លែងក្លាយ ក្នុងការបោះបង្គោលព្រំដែនជាមួយប្រទេសវៀតណាម។
តំណាងរាស្ត្ររូបនេះ ត្រូវបានតុលាការចោទប្រកាន់ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងញុះញង់ឲ្យមានការរើសអើង តាមមាត្រា៤៩៥ និង៤៩៦ នៃក្រមព្រហ្មទណ្ឌរបស់ព្រះរាជាណាចក្រកម្ពុជា៕ រាយការណ៍បន្ថែមដោយ ខាន់ លក្ខិណា
