មេដឹកនាំហ្វីលីពីនអះអាងថាធ្លាប់សម្លាប់មនុស្សតាំងពីអាយុ១៦ឆ្នាំ

មេដឹកនាំហ្វីលីពីន​លោក រ៉ូឌ្រីហ្គោឌូទើតេថ្លែងនៅក្នុងពេលជួបជាមួយប្រជាពលរដ្ឋហ្វីលីពីននៅក្នុងប្រទេសវៀតណាម​នៅថ្ងៃនេះថា លោកធ្លាប់បានសម្លាប់មនុស្សតាំងពីលោកនៅអាយុ១៦ឆ្នាំ។​

មេដឹកនាំហ្វីលីពីន​លោក រ៉ូឌ្រីហ្គោឌូទើតេថ្លែងនៅក្នុងពេលជួបជាមួយប្រជាពលរដ្ឋហ្វីលីពីននៅក្នុងប្រទេសវៀតណាម​នៅថ្ងៃនេះថា លោកធ្លាប់បានសម្លាប់មនុស្សតាំងពីលោកនៅអាយុ១៦ឆ្នាំ។​

ពេលដឹកនាំហ្វីលីពីនក្នុងវ័យ៧២ឆ្នាំ ថ្លែងបែបនេះ ក្នុងឱកាសដែលលោកធ្វើដំណើរទៅក្រុងដា ណាង ប្រទេសវៀតណាមដើម្បីចូលរួមកិច្ចប្រជុំកំពូលនៃវេទិកាកិច្ចសហប្រតិបត្តិការសេដ្ឋកិច្ចនៅតំបន់អាស៊ីប៉ាស៊ីហ្វិច ហើយឆ្លៀតជួបជាមួយពលរដ្ឋហ្វីលីពីននៅទីនោះ។​

លោក ឌូទើតេថ្លែងថា កាលពីលោកមានវ័យ១៦ឆ្នាំ មានជម្លោះកើតឡើងដោយសារការមើលមុខគ្នា ហើយមានការវាយតប់គ្នា លោកក៏បានប្រើប្រាស់កាំបិត​ចាក់សម្លាប់តែម្តង។​នេះបើតាមសារព័ត៌មាន​CNN។​

ជុំវិញការរិះគន់ពីការរំលោភសិទ្ធិមនុស្សលោកថ្លែងថា លោក​មិនខ្លាចមានការចាប់លោកដាក់ពន្ធនាគារទៀតទេ ព្រោះលោក​តាំងពីក្មេងមកលោកធ្លាប់រស់នៅក្នុង និង ក្រៅពន្ធនាគារហើយ។

លោក ឌូទើតេ ជាប់ឆ្នោតជាប្រធានាធិបតីហ្វីលីពីន កាលពីឆ្នាំមុន បន្ទាប់ពីលោកដាក់ចេញគោលនយោបាយសម្លាប់ដោយមិនអត់ឱនចំពោះអ្នកពាក់ព័ន្ធបញ្ហាគ្រឿងញៀន។

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។