នៅថៃអ្នកស្លាប់កើនដល់៣០នាក់​ហើយកម្រិតទឹកជំនន់​នៅតែខ្ពស់

ផ្លូវគោកនៅភាគខាងត្បូងរបស់ថៃរងការបំផ្លាញដោយសារទឹកជំនន់ហើយស្ពានសំខាន់ៗចំនួនពីរបាក់ ខណៈភ្លៀងនៅតែបន្តធ្លាក់ ហើយចំនួនពលរដ្ឋស្លាប់កើនដល់​៣០នាក់ ក្នុងនោះរួមទាំងក្មេងស្រីអាយុ៥ឆ្នាំម្នាក់ផងដែរ។​

ក្នុងចំណោមស្ពានពីរនោះគឺស្ពានមួយស្ថិតនៅលើផ្លូវហាយវ៉េ ដែលការបាក់នោះ បណ្តាលឲ្យប៉ះពាល់​ការធ្វើ​ចរាចរណ៍នៅក្នុងតំបន់រហូតដល់​២០០គីឡូម៉ែត្រ។​នេះបើតាមព័ត៌មានក្នុងស្រុករបស់ថៃ។​

ផ្ទះប្រមាណ​៣៦០ ០០០ រងការលិច និង ខូចខាតចំណែកពលរដ្ឋប្រមាណាជា ១លាននាក់​បាត់បង់លំនៅឋាន សាលារៀនត្រូវបានបិទ ចំណែកដំណើរការផលិតជ័រកៅស៊ូ និង ដូងប្រេងកំពុងតែប្រឈមផលប៉ះពាល់យ៉ាងខ្លាំងផងដែរ។​នេះ បើតាម​នាយកដ្ឋាន​ការពារ និង ដោះស្រាយបញ្ហាគ្រោះមហន្តរាយរបស់ថៃ។​

រដ្ឋាភិបាលថៃបានបញ្ជាក់ថា រដូវវស្សាបានផុតតាំងពីចុងខែវិច្ឆិកាឆ្នាំមុន ហើយថា ភ្លៀងខុសរដូវនេះ កំពុងដែលវាយលុកខ្លាំងក្នុងខេត្តជាង១០ ក្នុងចំណោមខេត្តទាំង៦៧របស់ថៃ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ