ប្រធានាធិបតីអាមេរិក លោក ដូណាល់ ត្រាំ បានធានាអះអាងនៅថ្ងៃនេះថា ជប៉ុននៅតែទទួលបានការគាំទ្រពេញទីពីអាមេរិក ក្រោយពីកូរ៉េខាងជើងបាញ់គ្រាប់មីស៊ីលជាថ្មីម្ដងទៀតនៅថ្ងៃនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
AFP បានផ្សាយបន្តថា លោក ត្រាំ បានថ្លែងបែបនេះយ៉ាងខ្លី អំឡុងពេលធ្វើសន្និសីទកាសែតរួមគ្នាមួយជាមួយនាយករដ្ឋមន្ត្រី ស៊ិនហ្ស៊ូ អាបេ ដែលកំពុងបំពេញទស្សនកិច្ចនៅអាមេរិកនៅឡើយ។
លោក អាបេ បានថ្លែងបរិហារការបាញ់សាកល្បងគ្រាប់មីស៊ីលរបស់កូរ៉េខាងជើង ដែលបានរំលោភទៅនឹងសេចក្ដីសម្រេចនានារបស់អង្គការសហប្រជាជាតិ ដោយលោក អាបេ ថា ជាទង្វើមិនអាចអន់ឱនឲ្យបាន៕