ប្រធានាធិបតីអាមេរិកលោក ដូណល ត្រាំ ថ្លែងថាលោកមិននៅក្រោមការស៊ើបអង្កេត នៅពេលដែលលោកបណ្តេញនាយក FBI ដោយផ្អែកលើការធ្វើការរបស់រយៈពេលយូរហើយមិនទទួលបានផលពីស្ថាប័នមួយនេះ។
លោក ត្រាំ ថ្លែង ប្រាប់ NBC ថា លោកបានសម្រេចបណ្តេញចេញតែលោក James Comey ម្នាក់គត់។
លោក James Comey ជានាយកFBI ហើយលោកបានស៊ើបអង្កេតយ៉ាងស្វិតស្វាញជុំវិញករណីមានការចោទថា មានការលួចកែប្រែទិន្នន័យបោះឆ្នោតអាមេរិកកាលពីចុងឆ្នាំ២០១៦ ដោយមានការផ្សំគំនិតគ្នារវាងលោក ដូណល ត្រាំ និង រដ្ឋអំណាចរបស់រុស្ស៊ី។ លោកត្រាំ បានហៅ លោក Comey ថា បំពេញការងារមិនបានល្អទើបលោកសម្រេចបណ្តេញចេញ។
ក្នុងបទសម្ភាសន៍ជាមួយអ្នកសារព័ត៌មានលើកដំបូងកាលពីថ្ងៃព្រហស្បតិ៍ម្សិលមិញ ចាប់តាំងពីលោក សម្រេចបណ្តេញលោក Comey ចេញពីតំណែងមកនោះលោកត្រាំ ថ្លែងថា លោក Comey តែងតែចាត់ទុកលោកស្ថិតនៅក្រោមការស៊ើបអង្កេត។ ប៉ុន្តែលោកត្រាថា លោកមិនស្ថិតនៅក្រោមការស៊ើបអង្កេតនោះទេ៕
