គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថានឹងរាប់សន្លឹកឆ្នោតឡើងវិញ នៅថ្ងៃស្អែកនេះ នៅការិយាល័យចំនួន៩ក្នុងឃុំបឹងប្រាំ ខេត្តបាត់ដំបង តាមបណ្តឹងរបស់គណបក្សសង្រ្គោះជាតិ។
តាមលទ្ធផលបឋម បង្ហាញថា ក្នុងឃុំបឹងប្រាំ ខេត្តបាត់ដំបង គឺគណបក្សសង្រ្គោះជាតិ ទទួលបាន៦០៨សំឡេង ខណៈគណបក្សប្រជាជនទទួលបាន៦៣១សំឡេង។
លោក ហ៊ីង ធីឬទ្ធិ សមាជិក គជប បានសរសេរលើហ្វេសប៊ុករបស់លោកថា នៅឃុំ បឹងប្រាំ ខេត្តបាត់ដំបង គឺសន្លឹកឆ្នោតមិនបានការមានរហូតដល់៣០១សន្លឹក ខណៈសន្លឹកឆ្នោតក្នុងធុងសរុបមាន ១៥៤០ សន្លឹក ។ លោកថា ការរាប់សន្លឹកឆ្នោតឡើងវិញ របស់ គជប ចាប់ពីថ្ងៃចន្ទមកគឺ បណ្តឹង៩០%កើតឡើងពីបញ្ហាសន្លឹកឆ្នោតមិនបានការនេះឯង។
លោកថា នៅតាមជនបទកំរិតយល់ដឹងរបស់ប្រជាជនមានការយល់ដឹងទាបណាស់៕