ក្រុមប្រឹក្សារដ្ឋចិនបានរៀបចំទម្រង់នៃការរឹតបន្តឹងថ្មី ដើម្បីបង្កើនប្រសិទ្ធិភាពនៃការប្រឆាំងការលើការលាងលុយ ការចរាចរណ៍លុយភេរវកម្ម និង ការគេចវេសពន្ធ។
ចិននឹងបង្កើនការរឹតបន្តឹងលើលុយដែលខុសប្រក្រតី ភាពមិនច្បាស់លាស់ ចរាចរណ៍លុយឆ្លងកាត់ព្រំដែន នឹងមានការបង្ក្រាបខ្លាំងទៅលើបទល្មើសទាំងនេះ។ នៅក្នុងគេហទំព័ររបស់ក្រុមប្រឹក្សារដ្ឋចិនបានបញ្ជាក់ទៀតថា វិធានការថ្មីបង្កើនប្រសិទ្ធិភាពការងារនេះ គឺជាការបំពេញតាមការវិធានការរបស់ក្រុមប្រឹក្សាសន្តិសុខអង្គការសហប្រជាជាតិដើម្បីប្រឆាំងហិរញ្ញវត្ថុអំពើភេរវកម្ម។ នេះបើតាមទីភ្នាក់ងារព័ត៌មានរ៉យទ័រ។
ចិនគឺជា ប្រទេសមួយនៃសមាជិកក្រុមប្រឹក្សាសន្តិសុខនៃអង្គការសហប្រជាជាតិ ហើយក៏ជាប្រទេសមួយដែលមានប្រជាជនច្រើនជាងលើពិភពលោក។ ចិនជាប្រទេសកុម្មុនីស្តដែលមានការរឹតបន្តឹងខ្លាំងលើសកម្មភាពតវ៉ា ក្រោមហេតុផលការពារសន្តិសុខជាតិ។
