ក្រុមស្រាវជ្រាវនិងជួយសង្គ្រោះកំពុងតែស្វែងរកនាវិក ឬអ្នកធ្វើការលើនាវាចំនួន៥នាក់ដែលបាត់ខ្លួននៅក្នុងហេតុការណ៍នាវាដឹកប្រេង បានបុកជាមួយនាវាមួយផ្សេងទៀតកាលពីរំលងអធ្រាត្រយប់ថ្ងៃពុធ ក្នុងអំឡុងម៉ោង១២និង៤០នាទី។
តាមការចុះផ្សាយរបស់សារព័ត៌មាន Channel News Asia បានឲ្យដឹងថា ហេតុការណ៍គ្រោះថ្នាក់កើតឡើងនេះ គឺនៅក្នុងតំបន់អាជ្ញាធរដែនសមុទ្រ និងកំពង់ផែរបស់ប្រទេសសិង្ហបុរី។
របាយការណ៍បឋមរបស់ក្រុមជួយសង្គ្រោះបានរកឃើញថា មាននាវិកជំនួន៧នាក់បានរងរបួស ហើយពួកគេកំពុងបន្តស្វែងរកអ្នកបាត់ខ្លួនចំនួន៥នាក់ផ្សេងទៀត៕