មីយ៉ាន់ម៉ាច្រានចោល​ការស្នើរបស់ UN ករណីជនជាតិភាគតិចរ៉ូហ៊ីងយ៉ា​

មីយ៉ាន់ម៉ាប្រកាសមិនទទួលយកការស្នើឡើងរបស់អង្គការសហប្រជាជាតិ ដែលស្នើឲ្យបញ្ឈប់សកម្មភាពបោសសម្អាតជនជាតិភាគតិចរ៉ូហ៊ីងយ៉ា ជាក្រុមអ្នកកាន់សាសនាឥស្លាម​។​

បេសកជន​​តំណាងប្រទេសមីយ៉ាន់ម៉ា ដែលចូលរួមប្រជុំជាមួយអង្គការសហប្រជាជាតិនៅថ្ងៃនេះ បានលើកឡើងថា ជនជាតិភាគតិច​រ៉ូហ៊ីងយ៉ាទាំងនោះកំពុងធ្វើសកម្មភាពផ្តាច់ខ្លួន​ដែលមិនអាចលើកលែង ឬបន្ធូរបន្ថយឲ្យបាននោះទេ។​ នេះបើតាមសារព័ត៌មាន​ BBC។​

ជនជាតិភាគិចរ៉ូហ៊ីងយ៉ាងប្រមាណ​៣៧០ ០០០នាក់ ត្រូវបានគេរកឃើញថា បានរត់គេចខ្លួន​ចេញពីរដ្ឋរ៉ាឃីន ឆ្លងកាត់ព្រំដែនទៅក្នុងក្នុងប្រទេសបង់ក្លាដេស ចាប់តាំងពីស្ថានភាពនៃការវាយបង្ក្រាបកាលពីខែមុន​កន្លងទៅក្រោយពេលផ្ទុះហិង្សា។​

ក្រុមប្រឹក្សាសន្តិសុខនៃអង្គការសហប្រជាជាតិ​បានកោះប្រជុំនៅថ្ងៃពុធនេះ ដើម្បីជជែកពីវិបត្តិជនជាតិភាគតិចរ៉ូហ៊ីងយ៉ានៅក្នុងប្រទេសមីយ៉ាន់ម៉ា​។​

ក្រុមយោធាមីយ៉ាន់អះអាងថា ពួកគេវាយកម្ចេទក្រុមឧទ្ទាមរ៉ូហ៊ីងយ៉ា មិនបានសំដៅវាយកម្ចេទលើជនស៊ីវិលទូទៅនោះទេ។​

កាលពីថ្ងៃចន្ទ ឧត្តមស្នងការអង្គការសហប្រជាជាតិ​បានជំរុញ​ឲ្យមីយ៉ាន់ម៉ាបញ្ចប់ការប្រព្រឹត្តអំពើឃោរឃៅ ដែលចាត់ទុកថា កំពុងបោសសម្អាត ឬ សម្លាប់ផ្តាច់ពូជលើជនជាតិភាគតិចរ៉ូហ៊ីងយ៉ា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ