អង្គការ​អភិរក្ស​រកឃើញសត្វក្តាន់​ជិតផុតពូជមាននៅខេត្តក្រចេះ

សត្វក្តាន់​ជិតផុតពូជមាននៅខេត្តក្រចេះ (WWF Cambodia)

អង្គការ WWF កម្ពុជាបានអះអាងថា សត្វក្តាន់នឹងមានចំនួនកើនឡើងវិញ បន្ទាប់ពីថតបានដោយកាមេរ៉ាស្វ័យប្រវត្តិ ជាលើកដំបូងនៅខេត្តក្រចេះ​ ក្នុងរយៈពេល ១០ឆ្នាំ ដែលពីមុន​គេគិតថាសត្វប្រភេទនេះ ត្រូវបានផុតពូជពីកម្ពុជា។

យោងតាមការចុះផ្សាយរបស់អង្គការ wwf-cambodia កាលពីថ្ងៃទី ១១ខែកញ្ញាបានឲ្យដឹងថា ថ្ងៃអនាគតចំនួនសត្វក្តាន់នឹងមានការកើនឡើង នៅក្នុងតំបន់ព្រៃលិចទឹកមេគង្គនៃខេត្តក្រចេះ។ អង្គការនេះ​បន្តថា កិច្ចការអភិរក្សសត្វព្រៃប្រភេទនេះ សម្រេចបានត្រូវមានការចូលរួមពីប្រជាជននៅក្នុងសហគមន៍ និងបុគ្គលិកទាំងអស់ ជាពិសេស គឺការចូលរួមគាំទ្រយ៉ាងសកម្មពីរដ្ឋាភិបាលកម្ពុជា ក្នុងរយៈពេលប៉ុន្មានឆ្នាំចុងក្រោយនេះ។

អង្គការ WWF កម្ពុជា កំពុងធ្វើការ ដើម្បីស្វែងរក នឹងបង្កើនចំនួនសត្វក្តាន់ឡើងវិញ ដោយថា តាមរយៈរូបភាពដែលកាមេរ៉ាស្វ័យប្រវត្តិថតបាន ឃើញមានស្នាមដានជើងរបស់សត្វប្រភេទនេះមានចំនួនច្រើន៕

ម៉ាប់​ ស៊ុយ [email protected]

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ