ពលរដ្ឋឡោមព័ទ្ធគ្រឿងចក្រអាជ្ញាធរនៅឧត្តរមានជ័យករណីបែងចែកដី

(ប្រភព៖ នគរបាលជាតិ)

ពលរដ្ឋប្រមាណ៥០នាក់បាននាំគ្នារារាំងគ្រឿងចក្ររបស់អាជ្ញាធរស្រុកអន្លង់វែង ខេត្តឧត្តរមានជ័យ ដើម្បីការពារផលប្រយោជន៍របស់ពួកគេនៅកន្លែងនោះ។​

ពលរដ្ឋប្រមាណ៥០នាក់បាននាំគ្នារារាំងគ្រឿងចក្ររបស់អាជ្ញាធរស្រុកអន្លង់វែង ខេត្តឧត្តរមានជ័យ ដើម្បីការពារផលប្រយោជន៍របស់ពួកគេនៅកន្លែងនោះ។​

តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា អាជ្ញាធរស្រុកអន្លង់វែងបានឈូសឆាយដីនៅឃុំអន្លង់វែង ស្រុកអន្លង់វែង ដើម្បីធ្វើផ្លូវ រៀបចំដីទុកចែកឲ្យប្រជាពលរដ្ឋក្រីក្រនៅចំណុចជប់ត្រកួន។

ប៉ុន្តែនៅពេលដែលកំពុងឈូសឆាយនោះ ត្រូវប្រជាពលរដ្ឋដែលរស់នៅទីនោះប្រមាណ៥០នាក់ឡោមព័ទ្ធគ្រឿងចក្រ ដោយទាមទារឲ្យរក្សាដីរបស់ពួកគាត់ដដែល ឬ ឲ្យអាជ្ញាប្រគល់ដី៣ហិកតាវិញ បើប៉ះពាល់ដីពួកគាត់រស់នៅបច្ចុប្បន្ន។​

អគ្គស្នងការដ្ឋាននគរបាលជាតិបានឲ្យដឹងទៀតថា ក្រោយពេលមានការសម្រួលគ្នា ពលរដ្ឋទាំងនោះក៏ព្រមត្រលប់ទៅផ្ទះវិញ ប៉ុន្តែថា ដំណោះស្រាយយ៉ាងណាមិនទាន់មានទេ ដោយរង់ចាំការសម្រេចពីថ្នាក់លើសិន៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។