ប្រធានាធិបតីអាមេរិក លោក ដូណាល់ ត្រាំ បានសម្រេចបណ្ដេញប្រមុខការទូតរបស់លោក គឺលោក Rex Tillerson ចេញពីតំណែងនៅថ្ងៃនេះ និងបានតែងតាំងប្រមុខទីភ្នាក់ងារ CIA បច្ចុប្បន្ននេះ លោក Mike Pompeo ឲ្យឡើងកាន់តំំណែងជំនួសវិញ។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
AFP បានចុះផ្សាយបន្តថា ការបណ្ដេញលោក Rex Tillerson ចេញពីតំណែងនេះ បានបញ្ចប់ការកាន់កាប់តំណែងរបស់ពាណិជ្ជករប្រេងកាតមកពីរដ្ឋតិចសាស់រូបនេះ ដែលតែងតែមិនចុះសម្រុងនឹងលោក ដូណាល់ ត្រាំ នោះឡើយ។
មន្ត្រីជាន់ខ្ពស់ម្នាក់ប្រចាំនៅសេតវិមានអាមេរិក បាននិយាយថា លោក ត្រាំ ចង់រុះរើសក្រុមរបស់លោក ក្នុងបំណងចាប់ផ្ដើមការចរចាជាមួយកូរ៉េខាងជើង បន្ទាប់ពីសេចក្ដីប្រកាសព័ត៌មានដ៏មុតមាំកាលពីសប្ដាហ៍មុនថា លោក ត្រាំ មានគម្រោងជួបជាមួយលោក គីម ជុងអ៊ុន នៅចុងខែឧសភាខាងមុខនេះ។
មុននឹងធ្វើដំណើរទីកាន់រដ្ឋកាលីហ្វ័រញ៉ា លោក ត្រាំ បាននិយាយដោយបើកចំហរអំពីភាពខុសគ្នារវាងរូបលោក និងលោក Tillerson ជុំវិញបញ្ហាកិច្ចព្រមព្រៀងនុយក្លេអ៊ែរជាមួយអ៊ីរ៉ង់ ខណៈដែលលោកបានបកស្រាយអំពី
លោក ត្រាំ ថ្លែងថា៖ «យើងពិតជាត្រូវរ៉ូវគ្នាណាស់ ប៉ុន្តែ យើងខ្វែងគំនិតគ្នាលើរឿងមួយចំនួន។ នៅពេលក្រឡេកទៅមើលបញ្ហាជាមួយប្រទេសអ៊ីរ៉ង់ ខ្ញុំគិតថា វាពិតជាគួរឲ្យខ្លាច ប៉ុន្តែ គេ [Tillerson] គិតថា វាមិនអីទេ»៕
បន្ទាប់ពីដកលោក Tillerson ចេញពីតំណែង លោក ត្រាំ បានកោតសរសើរដល់លលោក Pompeo អតីតមន្ត្រីយោធាអាមេរិក និងជាអតីតសមាជិកសភា ដែលបានដឹកនាំទីភ្នាក់ងារចារកម្មអាមេរិកអស់រយៈពេលជិត ១៤ខែមកហើយ ដោយលោក ត្រាំ ហៅប្រមុខ CIA រូបនេះថា «ជាមនុស្សដ៏ត្រឹមត្រូវសម្រាប់តួនាទីដ៏សំខាន់មួយនេះ»៕