ប្រជាពលរដ្ឋឥណ្ឌូនេស៊ី នៅថ្ងៃពុធនេះ នាំគ្នាទៅបោះឆ្នោតស្ទង់មតិក្នុងការដកតំណែងអភិបាលក្រុងចាកាតា ដែលជាអ្នកកាន់សាសនាគ្រឹស្ត ត្រូវបានពលរដ្ឋឥណ្ឌូនេស៊ីអ្នកកាន់សាសនាឥស្លាមចោទថា មានការលំអៀងនិងនិយាយប៉ះពាល់គម្ពីរកូរ៉ាន់។
លោក Basuki Tjahaja Purnama អភិបាលក្រុងចាកាតា កំពុងស្ថិតនៅក្នុងការរង់ចាំការសម្រេចរបស់ប្រជាពលរដ្ឋឥណ្ឌនេស៊ីប្រមាណ១០លាននាក់ បោះឆ្នោតស្ទង់មតិក្នុងសម្រេចលើតួនាទីរបស់លោកនៅថ្ងៃនេះ។នេះបើតាមទីភ្នាក់ងារសារព័ត៌មានAFP។
អ្នកទៅបោះឆ្នោតស្ទង់មតិភាគច្រើន បានចោទអភិបាលក្រុងលោក Purnama ថា ជាអភិបាលក្រុងដំបូងដែលមិនកាន់សាសនា គ្រឹស្ត កន្លះទសវត្សរ៍នេះថា ដឹកនាំលំអៀងទៅរកអ្នកកាន់សាសនាគ្រឹស្ត និងបានបំពានដល់គម្ពីរកូរ៉ាន់ ជាគម្ពីររបស់សាសនាឥស្លាម។
កាលពីឆ្នាំ២០១៦កន្លងទៅប្រជាពលរដ្ឋផ្ទុះការតវ៉ាជាបន្តបន្ទាប់ ប្រឆាំងអភិបាលក្រុងរូបនោះ ហើយទាមទារឲ្យមានការដកតំណែង និង កាត់ទោសតាមច្បាប់។ អភិបាលក្រុងរូបនេះ ជាមនុស្សស្និទ្ធជាមួយ ប្រធានាធិបតីលោក ចូកូវីនដូដូ៕
