ប្រព័ន្ធផ្សព្វផ្សាយរដ្ឋចិនបាន បញ្ជាក់នៅថ្ងៃពុធទី១៥នេះថា យន្តហោះសមុទ្រធំជាងគេនៅលើពិភពលោកនឹងរៀបចំហើយ រួចធ្វើការហោះហើរលើកដំបូងពាក់កណ្តាលឆ្នាំ២០១៧នេះ។
សារព័ត៌មានរដ្ឋចិនបានបញ្ជាក់ថា យន្តហោះសមុទ្រដែលមានលទ្ធភាពហោះបានទាំងលើគោក និង ក្នុងទឹកនោះ គឺបានសាកល្បងកាលពីថ្ងៃទី១១ដល់ថ្ងៃទី១៤ខែកុម្ភះឆ្នាំ២០១៧នេះ ហើយទទួលបានជោគជ័យ នៅក្នុងដំណើរការផលិតនៅក្នុងទីក្រុងភាគខាងត្បូងគឺក្រុង Zhuhai ចាប់ផ្តើមដំណើរការទាំងពីខែកក្កដាឆ្នាំ២០១៦។ អាជ្ញាធរចិនបញ្ជាក់ថា យន្តហោះនោះនិងបង្ហាញខ្លួនជាផ្លូវការនៅពាក់កណ្តាលឆ្នាំ២០១៧នេះ។
ក្រុមអ្នកផលិតរបស់រដ្ឋគឺ ក្រុមសហប្រតិបត្តិការឧស្សាហកម្មជើងទឹករបស់ចិន ថ្លែងប្រាប់ទីភ្នាក់ងារព័ត៌មានរដ្ឋចិនស៊ីនហួរថា យន្តហោះ AG600 នោះមានប្រវែង មានប្រវែង ៣៧ម៉ែត្រ និងមានស្លាប ៣៨,៨ម៉ែត្រ។
អនុប្រធានគ្រប់គ្រងទូទៅរបស់សហប្រតិបត្តិការឧស្សាហកម្មជើងទឹករបស់ចិន លោក Geng Ruguang ថ្លែងថា នេះជា យន្តហោះសមុទ្រដែលធំជាងគេបំផុតលើពិភពលោក Boeing 737។ លោកថា ការរចនាឡើងនេះគឺ អាចហោះពន្លត់ភ្លើងឆេះព្រៃ និង បេសកកម្មសង្គ្រោះនៅក្នុងសមុទ្របាន។
ចិនគឺជាប្រទេសមហាអំណាចទី២លើពិភពលោក បន្ទាប់ពីចិន ហើយកំពុងតែខិតខំពង្រឹងផ្នែកបច្ចេកទេសរបស់ខ្លួន ដើម្បីប្រណាំងប្រជែងជាមួយសហរដ្ឋអាមេរិក៕