គណៈកម្មាធិការជាតិរៀបចំការបោះឆ្នោតថា នៅឆ្នាំ២០១៨នេះ គ.ជ.ប បានកាត់បន្ថយការបោះពុម្ពសន្លឹកឆ្នោតបំរុងអស់៥០% បើប្រៀបធៀបឆ្នាំ២០១៣ ។
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ឌឹម សុវណ្ណារុំ ប្រាប់អ្នកសារព័ត៌មាន នៅកន្លែងបោះពុម្ពសន្លឹកឆ្នោតព្រឹកមិញនេះ ថាការបន្ថយចំនួនសន្លឹកឆ្នោតបំរុងនៅឆ្នាំ២០១៨នេះធ្វើឡើងដើម្បីកាត់បន្ថយការចំណាយថវិកា។
សន្លឹកឆ្នោតបំរុងនេះ តែក្នុងមួយការិយាល័យពី ២៥ ទៅ៧៤ សន្លឹកទេ ហើយកាត់ បន្ថយជាង ៥០% បំរុងហ្នឹង កាលពីមុនយើងត្រៀមក្នុងមួយការិយាល័យពី៥០ ទៅ ៩៩ សន្លឹក មកវិញ អញ្ចឹងរួមយើងបានកាត់បន្ថយសន្លឹកឆ្នោតបំរុង ៥០% ហើយ ដោយបទពីសោធន៍ការងារកន្លងមក ដែលគ.ជ.បធ្វើការរបស់ខ្លួនបានជោគជ័យ
លោកបន្តថា សន្លឹកឆ្នោតជាង ១០លានសន្លឹកនេះ ចំណាយថវិកាសរុបជា ១០ពាន់លានរៀល (១០ ៤២០ ៣៩៣ ៥០០រៀល) ស្មើនឹងជាង ២.៦លានដុល្លារអាមេរិក។ លោកបន្តថា គ.ជ.ប នឹងបញ្ចប់ការបោះពុម្ពសន្លឹកឆ្នោតនៅថ្ងៃទី១០ ខែកក្កដា ខាងមុខនេះ។
កម្ពុជានឹងរៀបចំការបោះឆ្នោតថ្នាក់ជាតិលើកទី៦ នៅថ្ងៃទី២៩កក្កដាខាងមុខ ដោយមានគណបក្សនយោបាយចំនួន២០ ចូលរួមប្រកួតប្រជែង។
