សពលោក កែម ឡី ពន្យារពេលដង្ហែទៅខេត្តតាកែវដោយមិនកំណត់​

គណៈកម្មការរៀបចំបុណ្យសពបានសម្រេចពន្យារពេលដង្ហែសពលោកបណ្ឌិត កែម ឡី ទៅបញ្ចុះនៅខេត្តតាកែវដោយអះអាងថា ការសម្រេចនេះធ្វើតាមការស្នើសុំច្រើនពីសាធារណជនដែលចង់ឲ្យតម្កល់ទុកនៅវត្តចាស់មួយរយៈទៀត។

តាមគម្រោងសពលោក កែម ឡី នឹងដង្ហែចេញពីវត្តចាស់នៅម៉ោង៧ព្រឹកថ្ងៃទី១៧ ខែកក្កដា ទៅបញ្ចុះនៅភូមិអង្គតាកុក ឃុំលាយបូ ស្រុកត្រាំកក់ ខេត្តតាកែវ។

ប៉ុន្តែនៅយប់ថ្ងៃសុក្រនេះព្រះតេជគុណ ប៊ុត ប៊ុនតិញ សមាជិកគណៈកម្មការប្រកាសធ្វើការពន្យារពេលការដង្ហែសពលោក កែម ឡី តាមការសំណូមពររបស់សាធារណជនដែលចង់ឲ្យតម្កល់ទុកក្នុងវត្តចាស់មួយរយៈ ដើម្បីពលរដ្ឋមកពីតំបន់ឆ្ងាយៗឬក្រៅប្រទេសបានមកគោរព។ ព្រះអង្គបញ្ជាក់ថា ថ្ងៃដង្ហែពិតប្រាកដនឹងត្រូវប្រកាសនៅពេលក្រោយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ