សមត្ថកិច្ចឃាត់ខ្លួនអតីតបុគ្គលិកវិទ្យុអាស៊ីសេរី២នាក់​

អតីតអ្នកព័ត៌មានវិទ្យុអាស៊ីសេរី លោក អូន ឈិន (រូបផេក ហ្វេសប៊ុក សង្គម និង យុត្តិធម៌)

សមត្ថកិច្ចខណ្ឌមានជ័យរាជធានីភ្នំពេញបានឃាត់ខ្លួនអតីតបុគ្គលិកវិទ្យុអាស៊ីសេរី២នាក់ យកទៅសួរនាំជុំវិញករណីបង្កើតបន្ទប់សម្រាប់ថតសំឡេង និង កាត់តវីឌីអូ ដោយថា មិនមានច្បាប់អនុញ្ញាត។​

សមត្ថកិច្ចខណ្ឌមានជ័យរាជធានីភ្នំពេញបានឃាត់ខ្លួនអតីតបុគ្គលិកវិទ្យុអាស៊ីសេរី២នាក់ យកទៅសួរនាំជុំវិញករណីបង្កើតបន្ទប់សម្រាប់ថតសំឡេង និង កាត់តវីឌីអូ ដោយថា មិនមានច្បាប់អនុញ្ញាត។​

តាមកំណត់ហេតុរបស់សមត្ថកិច្ចខណ្ឌមានជ័យបានឲ្យដឹងថា សមត្ថកិច្ចបានឃាត់ខ្លួនអតីតបុគ្គលិកវិទ្យុអាស៊ីសេរីទាំងពីររូបនោះនៅក្នុងផ្ទះសំណាក់មួយឈ្មោះ ម៉ារ៉ាឌី ស្ថិតនៅក្នុងខណ្ឌមានជ័យ។ អ្នកទាំងពីរនោះឈ្មោះ អួន ឈិន និង យាង សុជាមេត្តា។

តាមចម្លើយរបស់លោក អួន ឈិន ប្រាប់សមត្ថកិច្ចថា ការបង្កើតបន្ទប់សម្រាប់កាត់តសំឡេង និង វិឌីអូនេះ គឺក្នុងបំណងរៀបចំកន្លែងប្រកបរបរកាត់តរូបថត និង វីឌីអូ មង្គលការ ។​ ក្រោយការចាប់ខ្លួនមានព័ត៌មានថា អ្នកទាំងពីរនេះ ត្រូវបញ្ជូនទៅកាន់ស្នងការនគរបាលរាជធានីភ្នំពេញ ប៉ុន្តែមិនទាន់បានដឹងពីចំណាត់ការបន្ទាប់នោះទេ៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។