ពលករខែ្មរ៥នាក់រងគ្រោះនៅប្រទេសម៉ាឡេស៊ីបានត្រលប់មកកម្ពុជាវិញហើយបន្ទាប់មានការអន្តរាគមពីឯកអគ្គរាជទូតកម្ពុជាប្រចាំនៅប្រទេសម៉ាឡេស៊ី។
ក្នុងសេចកី្ដប្រកាសរបស់ក្រសួងការបរទេសនិងសហប្រតិបតិ្តការអន្តរជាតិចុះផ្សាយនៅថៃ្ងទី១៦ មករា ឆាំ្ន២០១៧ បានឲ្យដឹងថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានជួយដោះស្រាយនិងរៀបចំមាតុភូមិនិវត្តន៏របស់ពលការិនីខែ្មរចំនួន៥នាក់មកពីខេត្តកំពង់ធំ២នាក់ កំពង់ចាម១នាក់ និងខេត្តស្វាយរៀង២នាក់។
នៅក្នុងសេចកី្ដប្រកាសរបស់ក្រសួងដដែលបានបញ្ជាក់ថា ពលការិនី៤នាក់បានមកដល់ព្រលានយន្តហោះអន្តរជាតិភ្នំពេញកាលពីថៃ្ងទី១៥ មករា ចំណែកឯម្នាក់ទៀតត្រលប់មកនៅថៃ្ងទី១៤ ខែមករា ឆាំ្ន២០១៧។
បើតាមសេចកី្ដប្រកាសព័ត៌មានគឺស្ថានទូតបានសម្របសម្រួលជាមួយការិយាល័យអន្តោប្រវេសម៉ាឡេស៊ី ព្រមទាំងឧបត្ថម្ភសំបុត្រយន្តហោះ កន្លែងស្នាក់នៅ អាហារ និងថវិកាមួយចំនួនដល់ពលការិនីក្នុងអំឡុងពេលរងចាំត្រលប់មកកម្ពុជាវិញ៕