ជាយាសម្ដេចក្រុមព្រះ នរោត្ដម រណឫទ្ធិ អ្នកម្នាង អ៊ុក ផល្លា បានទទួលមរណភាពនៅរសៀលថ្ងៃនេះ តែប៉ុន្មានម៉ោងប៉ុណ្ណោះក្រោយពីជួបគ្រោះថ្នាក់ចរាចរណ៍នៅលើដងផ្លូវជាតិលេខ ៤ ស្ថិតនៅក្នុងស្រុកព្រៃនប់ ខេត្តព្រះសីហនុ។
សម្ដេចក្រុមព្រះ និងអ្នកម្នាង អ៊ុក ផល្លា ត្រូវបានបញ្ជូនទៅសង្គ្រោះជាបន្ទាន់នៅមន្ទីរពេទ្យស្ថិតក្នុងខេត្តព្រះសីហនុ បន្ទាប់ពីរថយន្តដឹកអ្នកទាំងពីរបានបុកនឹងរថយន្តតាក់ស៊ីមួយគ្រឿងនៅម៉ោងជិត ៩ព្រឹកថ្ងៃនេះ នៅតាមបណ្ដោយផ្លូវជាតិលេខ ៤ ស្ថិតក្នុងភូមិសាស្ត្រស្រុកព្រៃនប់។
ទំព័រហ្វេសប៊ុករាជវង្សកម្ពុជា Royal du Cambodia បានឲ្យដឹងថា អ្នកម្នាង អ៊ុក ផល្លា បានទទួលមរណភាព បន្ទាប់ពីរងរបួសធ្ងន់ ក្រោយគ្រោះថ្នាក់ចរាចរណ៍នៅព្រឹកថ្ងៃនេះ៕