មេដឹកនាំវៀតណាមមកទស្សនកិច្ចកម្ពុជានៅសប្តាហ៍នេះ

អគ្គលេខាធិការនៃគណៈកម្មាធិការមជ្ឈឹមបក្សកុម្មុយនិស្តវៀតណាម នឹងមកបំពេញទស្សនកិច្ចនៅប្រទេសកម្ពុជារយៈពេល៣ថ្ងៃ ក្នុងសប្តាហ៍នេះ តាមការអញ្ជើញរបស់ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី។

នៅក្នុងសេចក្ដីប្រកាសព័ត៌មានចុះថ្ងៃទី១៦ ខែកក្កដា ឆ្នាំ២០១៧ ឲ្យដឹងថា អគ្គលេខាធិការ​នៃ​គណៈកម្មាធិការ​មជ្ឈិម​បក្ស​កុម្មុយនីស្ត​វៀតណាម លោក ង្វៀន ហ៊្វូជុង នឹង​មក​បំពេញ​ទស្សនកិច្ច​នៅ​កម្ពុជា ចាប់​ពី​ថ្ងៃ​ទី​២០ ដល់​ថ្ងៃ​ទី​២២ កក្កដា តាមការអញ្ជើញរបស់ព្រះមហាក្សត្រខ្មែរ។ ក្នុងដំណើរ​ទស្សនកិច្ចនោះ លោក ង្វៀន ហ៊្វូជុង នឹង​ចូល​ក្រាប​បង្គំ​គាល់​ព្រះករុណា​ព្រះបាទ​សម្ដេច​ព្រះ​បរមនាថ នរោត្តម សីហមុនី និងសម្ដេច​ព្រះ​មហាក្សត្រី  នរោត្តម មុនីនាថ សីហនុ រួមទាំងសម្ដេច​ព្រះ​សង្ឃរាជ​ទាំង​ពីរ​គណៈ។

ក្នុងសេចក្ដីប្រព័ត៌មានដដែលឲ្យដឹងបន្តថា ក្នុងដំណើរទស្សនៈកិច្ចនោះ ង្វៀន ហ៊្វូជុង នឹងជួបជាមួយលោកនាយកមន្ត្រី ហ៊ុន សែន ហើយក្រោយជំនួបនោះ មេដឹកនាំទាំងនឹងចុះហេត្ថលេខាលើសេចក្ដីថ្លែងការណ៍រួម ស្ដីពីការពង្រឹងមិត្តភាព និងកិច្ចសហប្រតិបត្តិការរវាងកម្ពុជានិងវៀតណាម និងឯកសារមួយចំនួនទៀតផងដែរ។ បន្ថែមពីនេះទៀត លោក ង្វៀន ហ៊្វូជុង នឹងជួបជាមួយប្រធានព្រឹទ្ធសភា លោក សាយ ឈុំ  និង​លោក ហេង សំរិន ប្រធាន​រដ្ឋសភា ហើយក៏នឹង​ចូលរួម​ជា​អធិបតី​ក្នុង​ពិធី​សម្ពោធ​ស្តូប​អនុស្សាវរីយ៍​មិត្តភាព​កម្ពុជា-វៀតណាម នៅ​ខេត្ត​ព្រះសីហនុ តាមការអញ្ជើញរបស់លោក សាយ ឈុំ ប្រធានព្រឹទ្ធកម្ពុជា។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ