នគរបាលអគ្គីភ័យកម្ពុជាឲ្យដឹងថាអគ្គីភ័យដែលកើតឡើងក្នុងឱកាសនៃពិធីបុណ្យចូលឆ្នាំខ្មែរក្នុងឆ្នាំ២០១៨នេះកើតឡើង១៤ករណី លើសឆ្នាំមុន១០ករណី។
ក្នុងទំព័រហ្វេសបុករបស់នាយកដ្ឋាននគរបាលបង្ការ ពន្លត់អគ្គីភ័យ និងសង្គ្រោះនៃ អគ្គស្នងការនគរបាលជាតិ បានឲ្យដឹងថា អគ្គីភ័យដែលបានកើតឡើង១៤លើក ក្នុងឱកាសបុណ្យចូលឆ្នាំប្រពៃណីជាតិខ្មែរឆ្នាំ២០១៨ ពីថ្ងៃទី១៤ ដល់ថ្ងៃ១៦ មេសានោះ បានបំផ្លាញផ្ទះ១២ខ្នង រថយន្ត២គ្រឿង និង ប្រាក់ជិត៨ម៉ឺនដុល្លារអាមេរិក។
បើតាមនគរបាលអគ្គីភ័យមូលហេតុដែលបណ្តាលឲ្យមានអគ្គីភ័យបណ្តាលមកពីឆ្លងចរន្តអគ្គីសនី ៦ករណី ដុតផ្ទះខ្លួនឯង ២ករណី ដុតទានធូប ១ករណី និងក្រឡាប់ឡានឆេះ ២ករណី កំពុងស្រាវជ្រាវ ៣ករណី ខណៈអគ្គីភ័យដែលកើតឡើងនៅខេត្តកណ្តាលមាន៤ករណីច្រើនជាងគេ៕