ក្រសួងធនធានទឹក និងឧតុនិយមប្រកាសថាចាប់ពីថ្ងៃទី ២៣ ដល់ថ្ងៃទី ២៥ ខែកុម្ភៈនេះនឹងមានភ្លៀងកក់ខែស្ទើរទូទាំងប្រទេស។
យោងតាមសេចក្តីប្រកាសព័ត៌មានរបស់ក្រសួងធនធានទឹក និងឧតុនិយមចេញផ្សាយនៅថ្ងៃទី ១៩នេះបានឱ្យដឹងថាដោយសារជ្រលងសម្ពាធខ្ពស់ និងខ្យល់មូសុងឦសានខ្សោយបាន កំពុងគ្របដណ្តប់លើព្រះរាជាណាចក្រកម្ពុជា ក្រសួងបានព្យាករណ៍ថាសីតុណ្ហភាពនឹងកើនឡើងជាងមុនបន្តិច និងបណ្តាលឱ្យមានភ្លៀងកក់ខែស្ទើរទូទាំងប្រទេសចាប់ពីថ្ងៃទី ២៣ ដល់ថ្ងៃទី ២៥ ចុងខែកុម្ភៈនេះ។
យោងតាមសេចក្តីប្រកាសពីស្ថានភាពអាកាសធាតុនេះ ក្រសួងបានប្រកាសឱ្យពលរដ្ឋរួសរាន់ប្រមូលកសិផលទុកដាក់ឱ្យបានទាន់ពេលវេលា៕
