ក្រសួងព្យាករណ៍ថាកម្ពុជានឹងជួបបាតុភូតខ្យល់កន្ដ្រាក់ និងភ្លៀងធ្លាក់ខ្លាំងនៅដើមខែក្រោយ

ភ្លៀងធ្លាក់នៅតំបន់មួយក្នុងក្រុងភ្នំពេញកាលពីពេលកន្លងទៅ។

ក្រសួងធនធានទឹកប្រកាសថា ប្រទេសកម្ពុជានឹងទទួលរងបាតុភូតផ្គររន្ទះ ខ្យល់កន្ដ្រាក់ និងភ្លៀងធ្លាក់ខ្លាំង នៅដើមខែក្រោយនេះ។

យោងតាមសេចក្ដីប្រកាសព័ត៌មាន ចេញផ្សាយនៅថ្ងៃទី១៨ ខែមេសា ឆ្នាំ២០១៧ ក្រសួងធនធានទឹក និងឧតុនិយម ព្យាករថា នៅដើមរដូវវស្សា ពោលគឺចាប់ពីខែឧសភា ដល់ខែមិថុនា កម្ពុជានឹងទទួលរងបាតុភូតធម្មជាតិមួយចំនួនដូចជា ខ្យល់កន្ដ្រាក់ ផ្គររន្ទះ និងភ្លៀងធ្លាក់ពីកម្រិតបង្គួរទៅច្រើន ពិសេសនៅតំបន់ទំនាបកណ្ដាល តំបន់មាត់សមុទ្រ វាលទំនាប និងខ្ពង់រាប។ ប៉ុន្ដែក្រសួងថា បាតុភូតធម្មជាតិទាំងនេះ គឺមានចំនួនតិចជាងឆ្នាំ២០១៦ទេ។

ក្រសួងធនធានទឹកបញ្ជាក់ថា នៅចន្លោះខែឧសភា និងខែមិថុនា សីតុណ្ហភាពអប្បបរមា គឺនៅចន្លោះពី២៣ ទៅ២៥អង្សារសេ។ ចំណែកសីតុណ្ហភាពអប្បបរិមានៅចន្លោះពី៣៤ ដល់៣៦អង្សារសេ។

បើតាមសេចក្ដីប្រកាសព័ត៌មាន បាតុភូតធម្មជាតិ និងភ្លៀងធ្លាក់ខ្លាំងនេះ គឺបណ្ដាលមកពីកម្ពុជាទទួលរងនូវឥទ្ធិពលបាតុភូត ENSO Neutral Condition ដែលនៅចន្លោះបាតុភូត អែលនីណូ (EL Nino) និងឡានីណា (La Nina)។

ក្រសួងធនធានទឹកឲ្យដឹងទៀតថា កម្ពុជាក៏នឹងមានភ្លៀងធ្លាក់ជាបន្ដបន្ទាប់រហូតដល់ខែវិច្ឆិកាឆ្នាំ២០១៧៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ