អាជ្ញាធរជាតិអប្សរារំលឹកឲ្យភ្ញៀវទេសចរជាតិ និងអន្តរជាតិ ដែលលេងល្បែង Pokemon Go នៅក្នុងតំបន់ប្រសាទ ឲ្យមានការប្រុងប្រយ័ត្នខ្ពស់ ចំពោះគ្រោះថ្នាក់ ផ្សេងៗ ដែលអាចកើតមានឡើង។
សេចក្ដីជួនដំណឹងចុះថ្ងៃទី១៩ខែសីហានេះអាជ្ញាធរអប្សរាបានណែនាំអ្នក លេងល្បែង ទាំងអស់ គោរពតាមការណែនាំពីភ្នាក់ងារទេសចរ គោរពតាមស្លាកសញ្ញានានា នៅក្នុង ប្រសាទ។ សេចក្តីជូនដំណឹងក៏បាន រំលឹកឲ្យភ្ញៀវទេសចរ ប្រុងប្រយ័ត្នគិតពីសុវត្តិភាពផ្ទាល់ខ្លួន ដូចជាការដើរបុកវត្ថុនានា ការដើរឡើងផ្លោះរបង ឬក៍ដើររុករានចូលកន្លែងហាមឃាត់ ដែលនាំឲ្យគ្រោះថ្នាក់។
ល្បែងPokemon Go ទើបង្កើតឡើងនៅខែកក្កដានេះ ហើយមានអ្នកលេងរហូតជាង ១០០លាននាក់លើពិភពលោក។ល្បែងនេះតម្រូវឲ្យអ្នកលែងមើលទូរសព្ទ និងដើរតាមទី តាំងភូមិសាស្ដ្រនានា ដើម្បីស្វែងរកតាមចាប់តុក្កតា Pokemon Go ៕