ការអប់រំ, អភិបាលកិច្ច

កម្ពុជាស្នើ FBI ជួយបណ្តុះបណ្តាលនគរបាល១ឆ្នាំ២នាក់

ដោយ វីអូឌី
| ២០ មិថុនា ២០១៧
ម៉ោង ១០:៥១

រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ លោក ស ខេង

ក្រសួងមហាផ្ទៃ បានស្នើទៅការិយាល័យស៊ើបអង្កេតនៃរដ្ឋសហព័ន្ធរបស់អាមេរិក (FBI) ជួយទទួលយកនគរបាលរបស់កម្ពុជាទៅបណ្តុះបណ្តាលពង្រឹងជំនាញឲ្យបានយ៉ាងហោចណាស់ ២នាក់ ក្នុង១ឆ្នាំ។

ការស្នើនេះ ធ្វើឡើងនៅក្នុងពិធីបើកសន្នីសីទអតីតបណ្ឌិតសភា FBI ប្រចាំតំបន់អាស៊ីប៉ាស៊ីហ្វិកលើកទី២០ ធ្វើឡើងនៅសៀមរាប កាលពីថ្ងៃចន្ទម្សិលមិញ។

ក្នុងពិធីបើកដែលមានការចូលរួមពីឯកអគ្គរដ្ឋទូតអាមេរិកប្រចាំកម្ពុជាចូលរួមដែរនោះ លោក ស ខេង បានស្នើឲ្យអាមេរិកទទួលយកនគរបាលកម្ពុជាទៅ បណ្តុះបណ្តាលជាមួយក្រុមFBI ឲ្យបាន១ឆ្នាំ២នាក់ ដើម្បីពង្រឹងសមត្ថភាពថែរក្សាសន្តិសុខជូនពលរដ្ឋ។

សន្និសីទនៅខេត្តសៀមរាបនេះ មានការចូលរួមពីកងកម្លាំងមកពីប្រទេសផ្សេងៗដែលធ្លាប់ចូលរួមជាមួយបណ្ឌិតសភាFBI មកពីតំបន់អាស៊ីប៉ាស៊ីហ្វិក សហរដ្ឋអាមេរិក និង បណ្តាលប្រទេសជាច្រើនទៀតលើពិភពលោក។ សន្និសីទនេះ ចាប់ផ្តើមពីថ្ងៃទី១៩ដល់ថ្ងៃទី២១ខែមិថុនា។

ចាប់តាំងពីឆ្នាំ១៩៩៦មក នគរបាលកម្ពុជាធ្លាប់ទទួលការបណ្តុះបណ្តាលពីបណ្ឌិតសភាFBI បានចំនួន៨នាក់។ តាមគម្រោងនៅក្នុងកក្កដា ខាងមុនេះ អាមេរិកទទួលយកនគរបាលកម្ពុជា១រូបទៀតទៅបណ្តុះបណ្តាល៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។