មនុស្ស​ច្រើន​នាក់ស្លាប់និង​​របួស​ក្នុង​ការវាយប្រហារគ្រាប់​បែកអត្តឃាត​នៅ​អាហ្វហ្គានីស្ថាន

(រូបភាពពី Reuters)

ប្រធានាធិបតីអាហ្វហ្គានីស្ថានលោក Ashraf Ghani បានឲ្យដឹងនៅក្នុងសេចក្តីថ្លែងការណ៍មួយថា មនុស្សជាច្រើននាក់បានស្លាប់និងរងរបួសក្នុងហេតុការណ៍វាយប្រហារគ្រាប់បែកអត្តឃាតមួយនៅក្នុងទីក្រុងកាប៊ុល ប្រទេសអាហ្វហ្គានីស្ថាននៅព្រឹកថ្ងៃអង្គារនេះ។

អ្នកនាំពាក្យក្រសួងមហាផ្ទៃអាហ្វហ្គានីស្ថានលោក Sedig Sedigi បានប្រាប់ទូរទស្សន៍ CNN ថាការវាយប្រហារនោះបានធ្វើឡើងតាមរយៈរថយន្តមួយគ្រឿងដែលមានផ្ទុកទៅដោយគ្រាប់បែក។ មន្ត្រីនគរបាលអាហ្វហ្គានីស្ថានមួយរូបបានឲ្យដឹងថា ការវាយប្រហារនោះបានសំដៅលើការិយាល័យរបស់ក្រុមសន្តិសុខដែលជាអ្នកការពារភ្ញៀវសំខាន់ៗរបស់រដ្ឋាភិបាល។

ទោះយ៉ាងណា ចំនួនមនុស្សស្លាប់និងរបួសនៅមិនទាន់ត្រូវបានគេបញ្ជាក់ច្បាស់នៅឡើយទេ។

ក្រុមតាលីបង់បានចេញសេចក្ដីថ្លែងការណ៍អះអាងទទួលខុសត្រូវចំពោះការវាយប្រហារនេះ។

ចំណែកនៅក្នុងសេចក្តីថ្លែងការណ៍ដែលចេញផ្សាយដោយការិយាល័យរបស់ប្រធានាធិបតីបានថ្កោលទោសចំពោះការវាយប្រហារ “ភេរវកម្ម” នេះដែលបានសម្លាប់និងធ្វើឲ្យមនុស្សជាច្រើននាក់រងរបួស៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ