ការព្យាករណ៍បង្ហាញថា អាកាសធាតុនៅកម្ពុជានឹងថយចុះកម្តៅបន្តិចវិញនៅពាក់កណ្តាលខែឧសភានេះ ខណៈដែលមានភ្លៀងធ្លាក់នៅតាមបណ្តាខេត្តនានា។
យោងតាមការព្យាករណ៍របស់ក្រសួងធនធានទឹក គឺសីតុណ្ហភាពនឹងចុះមកនៅកម្រិត៣៦ទៅ៣៨អង្សានៅតំបន់វាលទំនាប ខណៈតំបន់ខ្ពង់រាបសីតុណ្ហភាពចុះមកនៅត្រឹម៣៥ទៅ៣៧អង្សា។ រីឯតំបន់សមុទ្រសីតុណ្ហភាពទាបជាងគេគឺត្រឹម៣៤ទៅ៣៦អង្សា។
បើតាមក្រសួងធនធានទឹកដដែលគឺតំបន់វាលទំនាបនិងតំបន់សមុទ្រអាចភ្លៀងធ្លាក់ពីតិចទៅច្រើន ខណៈតំបន់ខ្ពង់រាបអាចមានភ្លៀងធ្លាក់ពីមធ្យមទៅច្រើន។
ជាមួយគ្នានេះ ក្រសួងបានព្រមានពីគ្រោះធម្មជាតិដែលកើតមានដូចជា ផ្គរ រន្ទះនិងខ្យល់កន្ត្រាក់ ជាពិសេសតំបន់វាលទំនាបនិងតំបន់ខ្ពង់រាប៕
