អាជ្ញាធរ​ចិន​សម្រេច​ឲ្យ​ក្រុមហ៊ុន Apple ចាញ់​ក្ដី​ប៉ាតង់​

ការិយាល័យ​កម្មសិទ្ធិបញ្ញា​ក្រុង​ប៉េកាំង បាន​សម្រេច​ចេញ​សាលក្រម​ប្រឆាំងនឹង​ក្រុមហ៊ុន នៅក្នុង​ជម្លោះ​ប៉ាតង់​មួយ ដែល​ប្ដឹង​ដោយ​ក្រុមហ៊ុន​ផលិត​ទូរស័ព្ទ​មួយ​របស់​ចិន​។

ការិយាល័យកម្មសិទ្ធិបញ្ញាក្រុងប៉េកាំង បានសម្រេចចេញសាលក្រមប្រឆាំងនឹងក្រុមហ៊ុន នៅក្នុងជម្លោះប៉ាតង់មួយ ដែលប្ដឹងដោយក្រុមហ៊ុនផលិតទូរស័ព្ទមួយរបស់ចិន។

សារព័ត៌មាន BBC បានចុះផ្សាយថា អាជ្ញាធរចិន បានសម្រេចថាទូរស័ព្ទ iPhone 6 និង 6S មានលក្ខណៈប្រហាក់ប្រហែលទៅនឹងទូរស័ព្ទម៉ូដែល ១០០C របស់ក្រុមហ៊ុន Baili ដែលមានគេស្គាល់តិចតួចនៅទីក្រុងស៊ិនជិន។

យោងតាមសេចក្ដីសម្រេចនេះ ទូរស័ព្ទ iPhone ទាំងពីរម៉ូឌែលរបស់ក្រុមហ៊ុន Apple អាចត្រូវបានគេហាមឃាត់លក់នៅទីក្រុងប៉េកាំង ប៉ុន្តែ ការលក់នៅតែបន្តដដែល ដោយសារក្រុមហ៊ុន Apple បានប្ដឹងបន្តទៅតុលាការជាន់ខ្ពស់។

ក្រុមហ៊ុនបច្ចេកវិទ្យាដ៏ធំមួយនេះ បាននិយាយថា ទូរស័ព្ទទាំងពីរម៉ូឌែល នៅតែមានលក់នៅទូទាំងប្រទេសចិនដដែល៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។