ប្រជាជន​ថៃ​គាំទ្រ​សេចក្ដី​ព្រាង​រដ្ឋ​ធម្មនុញ្ញ ខណៈ​អ្នក​បោះ​ឆ្នោត​តិច​ជាង​ការ​រំពឹង​ទុក

(រូបភាពពី The Nation)

(រូបភាពពី The Nation)

កាសែត​ The Nation របស់​ថៃបាន​ផ្សាយ​នៅ​ថ្ងៃ​នេះ​ថា អ្នក​បោះ​ឆ្នោត​ជាង៦០​ភាគរយបាន​បោះ​ឆ្នោត​គាំ​ទ្រ​សេចក្ដី​ព្រាង​រដ្ឋ​ធម្មនុញ្ញ​ថ្មីកាល​ពី​ថ្ងៃ​អាទិត្យ​ម្សិលមិញ ខណៈ​តំបន់​ភាគ​ឦសាន​ថៃបាន​បោះ​ឆ្នោត​មិន​គាំ​ទ្រ​នោះ​ឡើយ។

កាសែត The Nation របស់ថៃបានផ្សាយនៅថ្ងៃនេះថា អ្នកបោះឆ្នោតជាង៦០ភាគរយបានបោះឆ្នោតគាំទ្រសេចក្ដីព្រាងរដ្ឋធម្មនុញ្ញថ្មីកាលពីថ្ងៃអាទិត្យម្សិលមិញ ខណៈតំបន់ភាគឦសានថៃបានបោះឆ្នោតមិនគាំទ្រនោះឡើយ។

លទ្ធផលមិនទាន់ផ្លូវការរបស់គណៈកម្មការបោះឆ្នោតបានបង្ហាញថា ប្រជាពលរដ្ឋ១៥.៥៦លាននាក់បានគាំទ្រសេចក្ដីព្រាងរដ្ឋធម្មនុញ្ញនោះ ខណៈអ្នកបោះឆ្នោត៩.៧៨លាននាក់ទៀតបានបោះឆ្នោតប្រឆាំង នៅពេលដែលសន្លឹកឆ្នោតរាប់បាន៩៤ភាគរយ។

អ្នកបោះឆ្នោតក៏បានគាំទ្រឲ្យសមាជិកព្រឹទ្ធសភាចូលរួមជាមួយសមាជិកសភា ក្នុងការជ្រើសរើសនាយករដ្ឋមន្ត្រី។

សាកលវិទ្យាធិការរងនៃសាកលវិទ្យាល័យធម្មសាស្ត្រ លោក Prinya Thaewanarumitkul បាននិយាយថា លទ្ធផលបោះឆ្នោតបង្ហាញថា ពលរដ្ឋចង់ឃើញនយោបាយគ្មានអំពើពុករលួយ។

គណៈកម្មការបោះឆ្នោតបានរំពឹងទុកថា អ្នកបោះឆ្នោត៨០ភាគរយក្នុងចំណោមអ្នកបោះឆ្នោតជាង៥០លាននាក់ នឹងចេញទៅបោះឆ្នោត ដើម្បីប្រើសិទ្ធិរបស់ពួកគេ ប៉ុន្តែមានប្រជាពលរដ្ឋត្រឹមតែ៥៨ភាគរយប៉ុណ្ណោះចេញទៅបោះឆ្នោត៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។