កូនស្រីលោក កឹម សុខា បានអះអាងថានៅព្រឹកថ្ងៃសុក្រនេះមានកម្លាំងប្រដាប់អាវុធជាង១០នាក់បានប្រមូលផ្តុំនៅមុខផ្ទះរបស់នាង នៅក្នុងខណ្ឌទួលគោក រាជធានីភ្នំពេញ ដោយមិនបានប្រាប់ពីមូលហេតុអ្វីទេ។
កូនស្រីលោក កឹម សុខា កញ្ញា កឹម មនោវិទ្យា ប្រាប់VODតាម Twiter ថានៅម៉ោងប្រមាណ៩ព្រឹកនេះ មានកម្លាំងប្រដាប់អាវុធប្រមូលផ្តុំនៅមុខផ្ទះរបស់នាង។
កម្លាំងប្រដាប់អាវុធប្រមូលផ្តុំនៅមុខផ្ទះលោក កឹម សុខា នេះ ខណៈមន្ត្រីរដ្ឋាភិបាលបញ្ជាក់ជាញឹកញាប់ថា ពួកគេត្រៀមចាប់ខ្លួនលោក កឹម សុខា បើសិនជាមានបញ្ជាពីតុលាការ។ គិតមកត្រឹមថ្ងៃទី១៦ខែកញ្ញានេះគឺលោក កឹម សុខា ស្នាក់នៅក្នុងស្នាក់ការបក្សជិត៤ខែហើយ គឺចាប់តាំងពីសមត្ថកិច្ចប៉ុនប៉ងចាប់ខ្លួនកាលពីថ្ងៃទី២៦ខែឧសភាមក៕
