តំណាងរាស្ត្រគណបក្សប្រឆាំងមិនចូលរួមប្រជុំសភានៅព្រឹកនេះទេ បើទោះជាថ្នាក់ដឹកនាំបក្សមានសំឡេងក្នុងសភាទាំងពីរថ្លែងថាស្ថានភាពនយោបាយបានថយចុះកម្តៅ ហើយបក្សប្រឆាំងធ្លាប់បញ្ជាក់ជំហរថាត្រៀមចូលប្រ ជុំសភាវិញនៅខែតុលានេះក៏ដោយ។
នៅម៉ោង៨ព្រឹកនេះ សភាបើកកិច្ចប្រជុំតាមការគ្រោងទុកតែមិនមានតំណាងរាស្រ្តគណបក្សប្រឆាំងទេ គឺមានតែ តំណាងរាស្ត្រគណបក្សប្រជាជនកម្ពុជា។ មន្ត្រីបក្សប្រឆាំងមិនបានប្រកាសជាផ្លូវការថា ហេតុអ្វីបានមិនចូលរួមប្រជុំសភា នេះគឺថា នៅនិយាយនៅក្នុងសន្តិសីទនៅស្នាក់ការគណបក្សនៅព្រឹកថ្ងៃដដែលនេះ។
ទោះយ៉ាងកាលពីយប់ថ្ងៃទី០៦ ខែតុលា លោក សម រង្ស៊ី ប្រាប់វិទ្យុវីអូអេថា គណបក្សសង្គ្រោះជាតិមិនអាចចូលរួមប្រជុំសភាបានទេ ដរាបបក្សប្រជាជនកម្ពុជាមិនបានដោះលែងមន្ត្រីរបស់ខ្លួនជិត២០នាក់ និងមន្ត្រីសង្គមស៊ីវិលសកម្មជនដីធ្លីផ្សេងៗទៀតនោះ។
តំណាងរាស្ត្រគណបក្សសង្គ្រោះជាតិបានសម្រេចចិត្តមិនចូលរួមប្រជុំសភាតាំងពីចុងខែឧសភា ឆ្នាំ២០១៦មក នៅពេលដែលសមត្ថកិច្ចតាមចាប់ខ្លួនលោក កឹម សុខា សំអាងហេតុថា រដ្ឋាភិបាលកំពុងរំលោភលើអភ័យឯកសិទ្ធិ របស់អ្នកតំណាងរាស្ត្រ។ ញឹម សុខន និង ពៅ មេត្តា