អាជ្ញាធរ​ម៉ាឡេស៊ី​ដោះ​លែង​មេដឹកនាំ​ប្រជាធិបតេយ្យ​នៅ​ក្រៅ​ឃុំ

មេដឹកនាំក្រុមប្រជាធិបតេយ្យ Bersih(រូបភាពពីទីភ្នាក់ងារសារព័ត៌មានReuters)

មេដឹកនាំក្រុមប្រជាធិបតេយ្យ Bersih ត្រូវបានប៉ូលិសម៉ាឡេស៊ីដោះលែងឲ្យនៅក្រៅឃុំកាលពីថ្ងៃម្សិលមិញ បន្ទាប់ពីសមត្ថកិច្ចឃាត់ខ្លួនសាកសួរអស់រយៈពេលជាង ២ម៉ោង។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។

បើតាម Reuters អ្នកស្រី Maria Chin Abdullah ត្រូវបានប៉ូលិសឃាត់ខ្លួននៅរដ្ឋ Sabah អំឡុងពេលអ្នកស្រីចែកចាយខិតប័ណ្ណនិយាយអំពីបាតុកម្មប្រឆាំងនឹងលោកនាយករដ្ឋមន្ត្រី ណាជីប រ៉ាហ្សាក់ ដែលគ្រោងធ្វើឡើងនៅថ្ងៃទី១៩ ខែវិច្ឆិកាខាងមុខនេះ នៅឯទីក្រុងគួឡាឡំពួ។

Reuters បានផ្សាយបន្តថា ក្រុមអ្នកស្រី Maria Chin Abdullah បានអំពាវនាវទៅលោក ណាជីប ឲ្យលាលែងពីតំណែង ដើម្បីសម្រួលដល់ការស៊ើបអង្កេតលើរឿងអាស្រូវមួយ ពាក់ព័ន្ធនឹងក្រុមហ៊ុនរដ្ឋមួយដែលបង្កើតឡើងដោយលោក ណាជីប។

មនុស្សជាង ២សែននាក់ បានចេញតវ៉ានៅទីក្រុងគួឡាឡំពួ ដើម្បីទាមទារឲ្យលោក ណាជីប លាលែងពីតំណែង កាលពីខែសីហាកន្លងមក៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ