គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. កាលពីរសៀលថ្ងៃម្សិលមិញ បានចេញសេចក្ដីអំពាវនាវជាថ្មីទៅកាន់ប្រជាពលរដ្ឋ ឲ្យទៅចុះឈ្មោះបោះឆ្នោត ខណៈកាលបរិច្ឆេទផុតកំណត់ចុះឈ្មោះបោះឆ្នោត កាន់តែខិតជិតចូលមកដល់។
យោងតាមប្រតិទិនរបស់ គ.ជ.ប. ការចុះឈ្មោះបោះឆ្នោត បានចាប់ផ្ដើមតាំងពីដើមខែកញ្ញា រហូតដល់ចុងខែវិច្ឆិកានេះ។
ក្នុងសេចក្ដីអំពាវនាវកាលពីថ្ងៃម្សិលមិញនោះ ប្រធាន គ.ជ.ប. លោក ស៊ិក ប៊ុន សង្ឃឹមថា ប្រជាពលរដ្ឋគ្រប់អាយុបោះឆ្នោតទាំងអស់ នឹងទៅចុះឈ្មោះបោះឆ្នោត ឲ្យបានគ្រប់ៗគ្នា។
លទ្ធផលបណ្ដោះអាសន្ននៃការចុះឈ្មោះបោះឆ្នោតចេញផ្សាយកាលពីព្រឹកថ្ងៃម្សិលមិញ បានបង្ហាញថា គ.ជ.ប. បានចុះបញ្ជីប្រជាពលរដ្ឋបានជាង ៧លាន ២ម៉ឺននាក់ ឬស្មើនឹងជាង ៧២ភាគរយ នៃចំនួនពលរដ្ឋគ្រប់អាយុបោះឆ្នោតសរុបជាង ៩លាន ៦៦ម៉ឺននាក់នៅទូទាំងប្រទេស៕