ក្រសួងសុខាភិបាលបានចេញសេចកី្ដប្រកាសឲ្យប្រជាពលរដ្ឋដែលរស់នៅក្នុងប្រទេសកម្ពុជាមានការប្រុងប្រយ័ត្នចំពោះសុខភាពខណៈដែលអាកាសធាតុចុះត្រជាក់ខ្លាំងខិតចូលមកដល់។
សេចកី្ដប្រកាសព័ត៌មានចុះថៃ្ងទី ២៩ ធ្នូម្សិលមិញបានឲ្យដឹងថា អាកាសធាតុមានការប្រែប្រួលហើយខ្យល់ត្រជាក់នៃរដូវរងាវក៏មកដល់ដើម្បីការពារសុខភាពនិងចៀសផុតពីជំងឺបង្កាត់អាចកើតឡើងជាយថាហេតុបណ្ដាលមកពីអាកាសធាតុចុះត្រជាក់នេះក្រសួងសុខាភិបាលបានធើ្វការណែនាំប្រជាពលរដ្ឋជាពិសេសប្រជាជនដែលរស់នៅក្នុងតំបន់ត្រជាក់ខ្លាំង។
នៅក្នុងសេចកី្ដប្រកាសនោះដដែលបានបញ្ជាក់ថា ជំងឺតាមរដូវកាលដែលជួបប្រទះញឹកញាប់ក្នុងអំឡុងពេលអាកាសធាតុចុះត្រជាក់នៅចន្លោះពីខែធ្នូដល់ខែមករា នៃឆាំ្ននេះគឺភាគច្រើនមានដូចជាជំងឺផ្លូវដង្ហើមដែលមិនត្រូវនិងអាកាសធាតុត្រជាក់និងជំងឺ ផ្លូវដង្ហើមបណ្ដាលមកពីវីរុស និងមេរោគស្រ្តិបតូកូត ដែលបង្ករឲ្យមានរោគសញ្ញាផ្សេងៗដូចជា គ្រុនផ្ដាសាយ ហៀរសំបោរ រលាកបំពង់ក ក្អក និងរលាកក្រពះពោះវៀនដោយពពួកវីរុសជាដើម។
ក្រសួងបានអំពាវនាវឲ្យមានការប្រុងប្រយ័ត្នចំពោះទារក កុមារនិងមនុស្សមានវ័យចំណាស់ មានហានីភ័យខ្ពស់និងជំងឺបណ្ដាលមកពីអាកាសធាតុត្រជាក់។
