សាលារាជធានីអនុញ្ញាតឲ្យក្រុមហ៊ុន​សិក្សាកែច្នៃសំរាមទៅជាថាមពលអគ្គិសនី

គំនរសំរាម (ដោយ បូ សាវី)

សាលារាជធានីភ្នំពេញអនុញ្ញាតឲ្យក្រុមហ៊ុន​​មួយឈ្មោះ ស៊ីអេច គឹមហ៊ាងអភិវឌ្ឍន៍ (ខេមបូឌា) សិក្សាពីការកែច្នៃសំរាម ឲ្យទៅជាថាមពលអគ្គិសនីអាចប្រើប្រាស់បាន ដើម្បីចូលរួមកាត់បន្ថយកាកសំណល់ ដែលបំពុលបរិស្ថានក្នុងរាជធានី។​

នៅ​ថ្ងៃចន្ទ ទី៩ ខែមករា នេះលោក​ អៀង អូននី អភិបាលរងនៃគណៈអភិបាលរាជធានីភ្នំពេញរួមជាមួយមន្ត្រី​មន្ទីរជំនាញនានាបានប្រជុំពិភាក្សាស្តីពីគម្រោងស្នើសុំវិនិយោគសាងសង់រោងចក្រកែច្នៃសំរាមទៅជាថាមពលអគ្គីសនីនៅរាជធានីភ្នំពេញ។ នេះបើតាមហ្វេសប៊ុករបស់សាលារាជធានីភ្នំពេញ។​

បន្ទាប់ពីការពិភាក្សាលោក អៀង អូននី​ បានឯកភាពអោយក្រុមហ៊ុន ស៊ីអេច គឹមហ៊ាងអភិវឌ្ឍន៍​ ធ្វើការសិក្សាលម្អិតនៅទីលានចាក់សំរាម ទាំងផ្នែកបច្ចេកទេស ទីតាំង ទាំងបរិមាណសំរាម និងទុនវិនិយោគ។​

របាយការណ៍របស់អាជ្ញាធរបង្ហាញថា ភ្នំពេញ​បច្ចុប្បន្ននេះ មានសំរាមប្រមាណជិត១៨០០តោនក្នុង១ថ្ងៃ ដែលត្រូវបានប្រមូលទៅចាក់ទុកនៅទីលានចាក់សំរាមផ្សេងៗ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ